---
title: "15 ദിവസത്തെ ഒളിച്ചുകളിക്ക് വിരാമം ; കെ. വിദ്യ വടകരയിൽ പൊലീസ് പിടിയിൽ "
english_title: "End of 15 days of hide and seek;Police arrested Vidya Vadakara"
publisher: "thalasserynews.in"
canonical_url: "https://thalassery.truevisionnews.com/news/124108/end-of-15-days-of-hide-and-seekpolice-arrested-vidya-vadakara"
published_at: "2023-06-21T22:14:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/649329820ef66_c6b42d3f-2aa3-4b06-9866-d6bb341c2899_copy.jpg"
keywords: []
---

# 15 ദിവസത്തെ ഒളിച്ചുകളിക്ക് വിരാമം ; കെ. വിദ്യ വടകരയിൽ പൊലീസ് പിടിയിൽ 

> **Lead Summary:** **കണ്ണൂർ :** മഹാരാജാസ് കോളേജിന്റെ പേരിൽ വ്യാജ തൊഴിൽ പരിചയ സർട്ടിഫിക്കറ്റ് തയ്യാറാക്കിയ മുഖ്യപ്രതി കെ വിദ്യ പിടിയിൽ. വടകര മേപ്പയ്യൂരിൽ നിന്നാണ് പാലക്കാട് അഗളി പൊലീസ് വിദ്യയെ കസ്റ്റഡിയിൽ എടുത്തിരിക്കുന്നത്. വിദ്യയെ ഇവിടെ നിന്ന് പാലക്കാടേക്ക് കൊണ്ടുവരും.

## Article Content

**കണ്ണൂർ :** മഹാരാജാസ് കോളേജിന്റെ പേരിൽ വ്യാജ തൊഴിൽ പരിചയ സർട്ടിഫിക്കറ്റ് തയ്യാറാക്കിയ മുഖ്യപ്രതി കെ വിദ്യ പിടിയിൽ. വടകര മേപ്പയ്യൂരിൽ നിന്നാണ് പാലക്കാട് അഗളി പൊലീസ് വിദ്യയെ കസ്റ്റഡിയിൽ എടുത്തിരിക്കുന്നത്. വിദ്യയെ ഇവിടെ നിന്ന് പാലക്കാടേക്ക് കൊണ്ടുവരും.

മേപ്പയൂർ, വടകര മേഖലകളിൽ വിദ്യക്കായി തെരച്ചിൽ നടത്തുന്നുണ്ടായിരുന്നു. കേസ് രജിസ്റ്റർ ചെയ്തതിന് പിന്നാലെ ഒളിവിൽ പോയ വിദ്യയെ 15 ദിവസങ്ങൾക്ക് ശേഷമാണ് പൊലീസ് അറസ്റ്റ് ചെയ്യുന്നത്. പാലക്കാട് അഗളി പൊലീസ് രജിസ്റ്റർ ചെയ്ത കേസിലാണ് വിദ്യയെ കസ്റ്റഡിയിൽ എടുത്തിരിക്കുന്നത്. ഇവരെ പാലക്കാട് എത്തിച്ച ശേഷം അറസ്റ്റ് രേഖപ്പെടുത്തി കോടതിയിൽ ഹാജരാക്കും.

### Related Links & Sources
- [Original Story Source](https://thalassery.truevisionnews.com/news/124108/end-of-15-days-of-hide-and-seekpolice-arrested-vidya-vadakara)