---
title: "   #case   | കണ്ണൂരിൽ ആർ എസ് എസ് പ്രവർത്തകനെതിരെ കൊലവിളി ; 106 സി പി എം പ്രവർത്തകർക്കെതിരെയും, പ്രകോപനപരമായ പോസ്റ്റിട്ട ആർ എസ് എസ് പ്രവർത്തകനെതിരെയും  കേസ്"
english_title: "#Killing call against #RSS worker in #KannurCase against 106 #CPM workers, #RSS worker for# inflammatory post"
publisher: "thalasserynews.in"
canonical_url: "https://thalassery.truevisionnews.com/news/139496/killing-call-against-rss-worker-in-kannurcase-against-106-cpm-workers-rss-worker-for-inflammatory-post"
published_at: "2023-08-16T22:41:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64dd0379bdd47_Untitled-1_copy.jpg"
keywords: []
---

#    #case   | കണ്ണൂരിൽ ആർ എസ് എസ് പ്രവർത്തകനെതിരെ കൊലവിളി ; 106 സി പി എം പ്രവർത്തകർക്കെതിരെയും, പ്രകോപനപരമായ പോസ്റ്റിട്ട ആർ എസ് എസ് പ്രവർത്തകനെതിരെയും  കേസ്

> **Lead Summary:** **കണ്ണൂർ :** പയ്യന്നൂരിൽ സി.പി.എം രക്തസാക്ഷി അനുസ്മരണത്തിന്റെ ഭാഗമായി ആർ.എസ്.എസ് പ്രവർത്തകനെതിരെ കൊലവിളി നടത്തിയെന്നതിന് 106 സി.പി.എം പ്രവർത്തകർക്കെതിരെ പയ്യന്നൂർ പോലീസ് കേസെടുത്തു.

## Article Content

**കണ്ണൂർ :** പയ്യന്നൂരിൽ സി.പി.എം രക്തസാക്ഷി അനുസ്മരണത്തിന്റെ ഭാഗമായി ആർ.എസ്.എസ് പ്രവർത്തകനെതിരെ കൊലവിളി നടത്തിയെന്നതിന് 106 സി.പി.എം പ്രവർത്തകർക്കെതിരെ പയ്യന്നൂർ പോലീസ് കേസെടുത്തു.

അതേസമയം സി.പി. എമ്മിനെ അപകീർത്തിപ്പെടുത്തുന്ന പ്രകോപന പരമായ പോസ്റ്ററുകൾ സമൂഹമാധ്യമത്തിലൂടെ പ്രചരിപ്പിച്ചതിന് ആർ.എസ്.എസ് പ്രവർത്തകനെ തിരെയും കേസെടുത്തിട്ടുണ്ട്. കുന്നരുവിലെ ഡി.വൈ.എഫ്.ഐ നേതാവാ യിരുന്ന ധനരാജിന്റെ രക്തസാക്ഷിദിനത്തോടനു ബന്ധിച്ച് വൈകീട്ട് കാരന്താട്ട് പ്രകടനം നടത്തിയ സി.പി.എമ്മുകാർക്കെതിരെയാണ് കേസ്.

പി.സിബിൻ കരിവെള്ളൂർ, ജിതിൻ കക്കംപാറ, പ്രിയേഷ് കുരിശുംമൂട്, സത്യൻ കാരന്തോട്, സജിൻ ഭരതൻ കുരിശുംമൂട്, നാസർ കക്കംപാറ എന്നിവർക്കും മറ്റ് കണ്ടാലറിയാവുന്ന നൂറു പേർക്കുമെതിരെയാണ് കേസ്.

ആലക്കാട്ടെ ആർ.എസ്.എസ്- ബി.ജെ.പി പ്രവർത്തകനായ കെ.എം ബിജുവിന്റെ പരാ തിയിലാണ് കേസെടുത്തത്. ബിജുവിനെ വധിക്കുമെന്ന തരത്തിൽ ഭീഷണി മുദ്രാവാക്യം വിളിച്ചു വെന്നാണ് പരാതി. അതേ സമയം സിബിന്റെ പരാതിയിൽ ബിജുവിനെതി കേസെടുത്തിട്ടുണ്ട് . കഴിഞ്ഞ ജൂലൈ 15 മുതൽ പല ദിവസങ്ങളിലായി സമൂഹ മാധ്യമത്തിൽ പ്രകോപനപരമായ പോസ്റ്റിട്ടുവെന്നതിനാണ് പരാതി.

### Related Links & Sources
- [Original Story Source](https://thalassery.truevisionnews.com/news/139496/killing-call-against-rss-worker-in-kannurcase-against-106-cpm-workers-rss-worker-for-inflammatory-post)