---
title: " #malaria |   കോഴിക്കോട്ട് അപൂർവ്വ ഇനം മലമ്പനി സ്ഥിരീകരിച്ചു"
english_title: "#Kozhikode #confirmed rare# strain of# malaria"
publisher: "thalasserynews.in"
canonical_url: "https://thalassery.truevisionnews.com/news/153212/kozhikode-confirmed-rare-strain-of-malaria"
published_at: "2023-10-13T12:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6528eaab7a70c_download_(2).jpg"
keywords: []
---

#  #malaria |   കോഴിക്കോട്ട് അപൂർവ്വ ഇനം മലമ്പനി സ്ഥിരീകരിച്ചു

> **Lead Summary:** **കോഴിക്കോട് : **ഗവ. മെഡിക്കൽ കോളേജ് ആശുപത്രിയിൽ‌ ചികിത്സയിൽ കഴിയുന്ന യുവാവിനു പ്ലാസ്മോഡിയം ഒവൈൽ മലേറിയ സ്ഥിരീകരിച്ചു.

## Article Content

**കോഴിക്കോട് : **ഗവ. മെഡിക്കൽ കോളേജ് ആശുപത്രിയിൽ‌ ചികിത്സയിൽ കഴിയുന്ന യുവാവിനു പ്ലാസ്മോഡിയം ഒവൈൽ മലേറിയ സ്ഥിരീകരിച്ചു.

മെഡിക്കൽ കോളേജ് കമ്യൂണിറ്റി മെഡിസിൻ വിഭാഗത്തിന്റെ ലാബിൽ നടത്തിയ പരിശോധനയിലാണ് അപൂർവ്വ ഇനം മലമ്പനി കണ്ടെത്തിയത്. സംസ്ഥാനത്ത് ആദ്യമായാണ് ഈ രോഗം റിപ്പോർട്ട് ചെയ്യുന്നതെന്നു ഡോക്ടർമാർ പറഞ്ഞു. ഫാൾസിപാരം, വൈവാക്സ് എന്നീ ഇനങ്ങളിൽ പെട്ട മലേറിയയാണു സാധാരണയായി ഇവിടെ കണ്ടുവരാറുള്ളത്.

മറ്റു മലേറിയ പോലെ ശക്തമായ പനി, തലവേദന, വിറയൽ തുടങ്ങിയവയാണു പ്ലാസ്മോഡിയം ഒവൈൽ മലേറിയയുടെയും ലക്ഷണങ്ങൾ. കുന്നമംഗലം സ്വദേശിയായ യുവാവ് ജോലി ആവശ്യത്തിനു നേരത്തേ മുംബൈയിൽ പോയിരുന്നു. ജനറൽ മെഡിസിൻ വിഭാഗത്തിലാണു ചികിത്സയിൽ കഴിയുന്നത്. ആരോഗ്യനില തൃപ്തികരമാണെന്നു ഡോക്ടർമാർ പറഞ്ഞു.

### Related Links & Sources
- [Original Story Source](https://thalassery.truevisionnews.com/news/153212/kozhikode-confirmed-rare-strain-of-malaria)