---
title: "ചാൻസലർക്കെതിരെ എസ്എഫ്ഐ പോര് കടുക്കുന്നു: കൂടുതൽ ക്യാമ്പസുകളിൽ ചാൻസലർക്കെതിരെ ബാനറുകൾ"
english_title: "SFI fights chancellor: Banners against chancellor on more campuses"
publisher: "thalasserynews.in"
canonical_url: "https://thalassery.truevisionnews.com/news/170155/sfi-fights-chancellor-banners-against-chancellor-on-more-campuses"
published_at: "2023-12-18T11:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/657fe32fdfd26_Untitled-7_copy.jpg"
keywords: []
---

# ചാൻസലർക്കെതിരെ എസ്എഫ്ഐ പോര് കടുക്കുന്നു: കൂടുതൽ ക്യാമ്പസുകളിൽ ചാൻസലർക്കെതിരെ ബാനറുകൾ

> **Lead Summary:** **തിരുവനന്തപുരം: **ഗവര്‍ണര്‍-എസ്എഫ്‌ഐ പോര് കടുക്കുന്നതിനിടെ, ആരിഫ് മുഹമ്മദ് ഖാനെതിരെ കൂടുതല്‍ കോളജ് കാമ്പസുകളില്‍ ബാനറുകള്‍. തിരുവനന്തപുരം സംസ്‌കൃത കോളജ്, പന്തളം എന്‍എസ്എസ് കോളജ്, കാലടി ശ്രീശങ്കര സര്‍വകലാശാല എന്നിവിടങ്ങളിലെല്ലാം ഗവര്‍ണര്‍ക്കെതിരെ എസ്എഫ്‌ഐയുടെ ബാനര്‍ പ്രത്യക്ഷപ്പെട്ടിട്ടുണ്ട്.

## Article Content

**തിരുവനന്തപുരം: **ഗവര്‍ണര്‍-എസ്എഫ്‌ഐ പോര് കടുക്കുന്നതിനിടെ, ആരിഫ് മുഹമ്മദ് ഖാനെതിരെ കൂടുതല്‍ കോളജ് കാമ്പസുകളില്‍ ബാനറുകള്‍. തിരുവനന്തപുരം സംസ്‌കൃത കോളജ്, പന്തളം എന്‍എസ്എസ് കോളജ്, കാലടി ശ്രീശങ്കര സര്‍വകലാശാല എന്നിവിടങ്ങളിലെല്ലാം ഗവര്‍ണര്‍ക്കെതിരെ എസ്എഫ്‌ഐയുടെ ബാനര്‍ പ്രത്യക്ഷപ്പെട്ടിട്ടുണ്ട്.

മിസ്റ്റര്‍ ചാന്‍സലര്‍, നിങ്ങളുടെ വിധേയത്വം സര്‍വകലാശാലകളോട് ആയിരിക്കണം, സംഘപരിവാറിനോട് ആയിരിക്കരുത് എന്നാണ് സംസ്‌കൃത കോളജ് കവാടത്തില്‍ കറുത്ത തുണി കൊണ്ടുള്ള ബാനറില്‍ എഴുതിയിരിക്കുന്നത്. മസ്തിഷ്‌കത്തിന് പകരം മനുസ്മൃതിയെങ്കില്‍ ഗവര്‍ണറേ തെരുവുകള്‍ നിങ്ങളെ ഭരണഘടന പഠിപ്പിക്കുക തന്നെ ചെയ്യുമെന്ന് ശ്രീശങ്കരയില്‍ ഉയര്‍ത്തിയ ബാനറില്‍ പറയുന്നു.

അതേസമയം കാലിക്കറ്റ് സര്‍വകലാശാലയില്‍ ഗവര്‍ണറുടെ പൊതുപരിപാടി നടക്കും. കാലിക്കറ്റ് സര്‍വകലാശാല വിസിയോട് ഗവര്‍ണര്‍ അപമര്യാദയായി പെരുമാറി എന്നാരോപിച്ച് കാലിക്കറ്റ് സര്‍വകലാശാലയിലെ അധ്യാപകരും ഇടതുസംഘടനാ ജീവനക്കാരും കരിദിനം ആചരിക്കുകയാണ്.

### Related Links & Sources
- [Original Story Source](https://thalassery.truevisionnews.com/news/170155/sfi-fights-chancellor-banners-against-chancellor-on-more-campuses)