---
title: "തലശേരി കാർണിവൽ ; നഗരത്തിൽ ഇന്നു മുതൽ ഗതാഗത നിയന്ത്രണം "
english_title: "Thalassery Carnival;Traffic control in the city from today"
publisher: "thalasserynews.in"
canonical_url: "https://thalassery.truevisionnews.com/news/188522/thalassery-carnivaltraffic-control-in-the-city-from-today"
published_at: "2024-03-01T10:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/65e162902b159_Untitled-1_copy.jpg"
keywords: []
---

# തലശേരി കാർണിവൽ ; നഗരത്തിൽ ഇന്നു മുതൽ ഗതാഗത നിയന്ത്രണം 

> **Lead Summary:** തലശ്ശേരി: തലശ്ശേരി കാർണിവൽ മാർച്ച് ഒന്നു മുതൽ മാർച്ച് 7 വരെ തലശ്ശേരിയുടെ വിവിധ ഭാഗങ്ങളിലായി നടക്കും. പ്രധാന വേദി പഴയ ബസ് സ്റ്റാൻഡിലെ ജൂബിലി ഷോപ്പിംഗ് കോംപ്ലക്സിന് മുൻവശത്താണ് സജ്ജീകരിച്ചിരിക്കുന്നത്. തലശ്ശേരിയിലെ ട്രാഫിക് സംവിധാനം ഇന്നു മുതൽ മാർച്ച് 7 വരെ താഴെപ്പറയുന്ന രീതിയിൽ ക്രമീകരിച്ചിരിക്കുന്നു.

## Article Content

തലശ്ശേരി: തലശ്ശേരി കാർണിവൽ മാർച്ച് ഒന്നു മുതൽ മാർച്ച് 7 വരെ തലശ്ശേരിയുടെ വിവിധ ഭാഗങ്ങളിലായി നടക്കും. പ്രധാന വേദി പഴയ ബസ് സ്റ്റാൻഡിലെ ജൂബിലി ഷോപ്പിംഗ് കോംപ്ലക്സിന് മുൻവശത്താണ് സജ്ജീകരിച്ചിരിക്കുന്നത്. തലശ്ശേരിയിലെ ട്രാഫിക് സംവിധാനം ഇന്നു മുതൽ മാർച്ച് 7 വരെ താഴെപ്പറയുന്ന രീതിയിൽ ക്രമീകരിച്ചിരിക്കുന്നു.

1. പഴയ ബസ്റ്റാൻഡ് ജൂബിലി ഷോപ്പിംഗ് കോംപ്ലക്സ് മുൻവശത്ത് കൂടെയുള്ള വാഹനഗതാഗതം പൂർണമായും നിരോധിച്ചിരിക്കുന്നു. 2. കണ്ണൂർ ഭാഗത്തുനിന്നും വരുന്ന വാഹനങ്ങൾ പഞ്ചാര കിണർ ചുറ്റി ട്രാഫിക് പോലീസ് സ്റ്റേഷന്റെ ഇടതുവശത്തുകൂടി ലോകൻസ് റോ ഡിലേക്ക് പോകേണ്ടതാണ്.

3. അഞ്ചരക്കണ്ടി മേലൂർ ഭാഗത്തേക്ക് പോകുന്ന ബസ്സുകൾ പഴയ സ്റ്റാൻഡിൽ കയറാതെ പെട്രോൾ പമ്പിന്റെ സമീപത്തുനിന്നും ആളെ കയറ്റി കണ്ണൂർ റോഡിലേക്ക് പോകേണ്ടതാണ്. 4. ചെറു വാഹനങ്ങൾ പാർക്കിങ്ങിനായി കോട്ട പരിസരം, ബി എം പി സ്കൂൾഗ്രൗണ്ട്, ഹോളോവേ റോഡ്,സിറ്റി സെന്റർ നിലവിൽ ലഭ്യമായ മറ്റ് പാർക്കിംഗ് ഗ്രൗണ്ടുകൾ എന്നിവ ഉപയോഗിക്കേണ്ടതാണ് .

5. കടൽ പാലം പരിസരത്ത് ഫുഡ് കോർട്ട് നടക്കുന്നതിനാൽ കടൽപ്പാലം റോഡ് വഴി മത്സ്യ -ചരക്ക് വാഹനങ്ങൾ കടത്തിവിടുന്നതല്ല. 6. കടൽ പാലത്തിലേക്ക് പോകുന്ന മറ്റ് റോഡുകൾ വഴിയുള്ള വാഹനങ്ങൾ മൂന്നു മണിക്കുശേഷം കടത്തി വിടുന്നതല്ല.

### Related Links & Sources
- [Original Story Source](https://thalassery.truevisionnews.com/news/188522/thalassery-carnivaltraffic-control-in-the-city-from-today)