തലശ്ശേരി:(www.thalasserynews.in) തലശ്ശേരി ജനറൽ ആശുപത്രിയിൽ ഒ പി ടിക്കറ്റ് നിരക്ക് 5 രൂപയിൽ നിന്നും 10 രൂപയായി വർദ്ധിപ്പിച്ച നടപടി പിൻവലിക്കണമെന്ന് ആവശ്യപ്പെട്ട് ഡി സി സി അംഗം കെ. ശിവദാസൻ തലശ്ശേരി സബ്ബ് കലക്ടർ, ആശുപത്രി സൂപ്രണ്ട് എന്നിവർക്ക് നിവേദനം നൽകി.
പാവപ്പെട്ട രോഗികൾക്ക് സൗജന്യമായി നൽകേണ്ട ശുശ്രൂഷക്ക് ഒ പി ടിക്കറ്റ് നിരക്ക് തന്നെ വാങ്ങാൻ പാടില്ലാത്തതാണ്. അതാണ് കഴിഞ്ഞ ദിവസം പോലും 5 രൂപ വാങ്ങി നൽകിയതെങ്കിൽ ഇപ്പോൾ 10 രൂപയായി വർദ്ധിപ്പിച്ചിരിക്കുന്നത്.
തലശ്ശേരിയിലെ ഹോട്ടലുടമകൾ ഭക്ഷ്യവസ്തുക്കളുടെ വില അവർക്ക് തോന്നിയത് പോലെ ഇടക്കിടെ വർദ്ധിപ്പിക്കുന്നതിന് സമാനമാണ് ആശുപത്രി ഒ പി ടിക്കറ്റ് നിരക്ക് വർധനവ്. അതിനാൽ വർദ്ധിപ്പിച്ച 5 രൂപ ഒ.പി ടിക്കറ്റ് നിരക്ക് പിൻവലിക്കണമെന്ന് അദ്ദേഹം ആവശ്യപ്പെട്ടു.
OP ticket price increase in Thalassery General Hospital;Filed a complaint