---
title: "അഞ്ചൽ രാമഭദ്രൻ വധക്കേസ് : സിപിഐഎം ജില്ലാ കമ്മിറ്റി അം​ഗം അടക്കം 14 പ്രതികൾ കുറ്റക്കാർ"
english_title: "Anchal Ramabhadran murder case: 14 accused including CPIM district committee member found guilty"
publisher: "thalasserynews.in"
canonical_url: "https://thalassery.truevisionnews.com/news/222749/anchal-ramabhadran-murder-case-14-accused-including-cpim-district-committee-member-found-guilty"
published_at: "2024-07-25T13:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66a202b348f2e_66a200a0dfc18_murder.jpg"
keywords: []
---

# അഞ്ചൽ രാമഭദ്രൻ വധക്കേസ് : സിപിഐഎം ജില്ലാ കമ്മിറ്റി അം​ഗം അടക്കം 14 പ്രതികൾ കുറ്റക്കാർ

> **Lead Summary:** ******അഞ്ചൽ രാമഭദ്രൻ വധക്കേസിൽ സിപിഐഎം ജില്ലാ കമ്മിറ്റി അം​ഗം ബാബു പണിക്കര്‍ അടക്കം പതിനാല് പ്രതികൾ കുറ്റക്കാരെന്ന് കോടതി കണ്ടെത്തി.

## Article Content

******അഞ്ചൽ രാമഭദ്രൻ വധക്കേസിൽ സിപിഐഎം ജില്ലാ കമ്മിറ്റി അം​ഗം ബാബു പണിക്കര്‍ അടക്കം പതിനാല് പ്രതികൾ കുറ്റക്കാരെന്ന് കോടതി കണ്ടെത്തി.

സിപിഐഎം കൊല്ലം ജില്ലാ സെക്രട്ടേറിയറ്റ് അം​ഗം ജയമോഹൻ അടക്കം നാലു പ്രതികളെ കോടതി വെറുതെ വിട്ടു. തിരുവനന്തപുരം സിബിഐ പ്രത്യേക കോടതിയാണ് കേസിൽ വിധി പറഞ്ഞത്.

പ്രതികൾക്കുള്ള ശിക്ഷ ഈ മാസം 30 ന് വിധിക്കും.ഐഎൻടിയുസി നേതാവായിരുന്ന അഞ്ചൽ രാമഭദ്രനെ കൊലപ്പെടുത്തി 14 വർഷത്തിന് ശേഷമാണ് കേസിൽ വിധി വരുന്നത്. ഐഎൻടിയുസി ഏരൂർ മണ്ഡലം വൈസ് പ്രസിഡൻറായിരുന്ന രാമഭദ്രനെ 2010 ഏപ്രിൽ 10നാണ് വീട്ടിനുള്ളിൽ കയറി സിപിഐഎം പ്രവർത്തകർ വെട്ടിക്കൊലപ്പെടുത്തിയത്.

രാഷ്ട്രീയ വൈരാഗ്യമായിരുന്നു കൊലപാതകത്തിന് കാരണമെന്നാണ് കണ്ടെത്തൽ മക്കള്‍ക്കൊപ്പം ആഹാരം കഴിച്ചുകൊണ്ടിരിക്കുമ്പോളാണ് രാമഭദ്രനെ വെട്ടികൊലപ്പെടുത്തിയത്.

ആദ്യം ലോക്കൽ പൊലീസും പിന്നീട് ക്രൈം ബ്രാഞ്ചും കേസന്വേഷിച്ചു. രാമഭദ്രൻെറ ഭാര്യ ഹൈക്കോടതിയെ സമീപിച്ചതോടെയാണ് അന്വേഷണം സിബിഐക്ക് കൈമാറിയത്.

### Related Links & Sources
- [Original Story Source](https://thalassery.truevisionnews.com/news/222749/anchal-ramabhadran-murder-case-14-accused-including-cpim-district-committee-member-found-guilty)