---
title: "ഗുരുദേവ പ്രഭയിൽ തലശേരി ചേറ്റംകുന്ന് ; ശ്രീനാരായണ ഗുരുദേവൻ്റെ പഞ്ചലോഹ പ്രതിഷ്ഠിച്ചു."
english_title: "Thalassery Chetamkunnu in Gurudeva Prabha;Panchaloha of Sree Narayana Gurudev was consecrated."
publisher: "thalasserynews.in"
canonical_url: "https://thalassery.truevisionnews.com/news/229743/thalassery-chetamkunnu-in-gurudeva-prabhapanchaloha-of-sree-narayana-gurudev-was-consecrated"
published_at: "2024-08-20T15:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66c46a1a247e8_Untitled-9_copy.jpg"
keywords: []
---

# ഗുരുദേവ പ്രഭയിൽ തലശേരി ചേറ്റംകുന്ന് ; ശ്രീനാരായണ ഗുരുദേവൻ്റെ പഞ്ചലോഹ പ്രതിഷ്ഠിച്ചു.

> **Lead Summary:** **തലശ്ശേരി: **തലശ്ശേരി ചേറ്റംകുന്ന് ജംഗ്ഷനിലെ ഗുരുമണ്ഡപത്തിൽ എസ്. എൻ ഡി പി യോഗത്തിൻ്റെ നേതൃത്വത്തിൽ ശ്രീനാരായണ ഗുരുദേവൻ്റെ പഞ്ച ലോഹ പ്രതിമ പ്രതിഷ്ഠിച്ചു.

## Article Content

**തലശ്ശേരി: **തലശ്ശേരി ചേറ്റംകുന്ന് ജംഗ്ഷനിലെ ഗുരുമണ്ഡപത്തിൽ എസ്. എൻ ഡി പി യോഗത്തിൻ്റെ നേതൃത്വത്തിൽ ശ്രീനാരായണ ഗുരുദേവൻ്റെ പഞ്ച ലോഹ പ്രതിമ പ്രതിഷ്ഠിച്ചു.

ഭക്തിനിർഭരമായ ചടങ്ങിൽ നിരവധി ശ്രീനാരായണീയർ പങ്കെടുത്തു. സ്വാമി പ്രേമാനന്ദയുടെ കാർമ്മികത്വത്തിലാണ് ശ്രീനാരായണ ഗുരുദേവൻ്റെ പഞ്ചലോഹ പ്രതിമ പ്രതിഷ്ഠ നടന്നത്.

എസ്എൻഡിപി. യോഗം ദേവസ്വം സിക്രട്ടറി അരയാക്കണ്ടി സന്തോഷ് പ്രതിമ സമർപ്പണം നടത്തി. തലശ്ശേരി ജഗനാഥ ക്ഷേത്രത്തിൽ നിന്ന് പൂജ ചെയ്ത വിഗ്രഹം നിരവധി വാഹനങ്ങളുടെ അകമ്പടിയോടെ നഗര പ്രദക്ഷിണം നടത്തി തലശ്ശേരി സ്റ്റേഡിയം കോർണറിൽ നിന്ന് ഘോഷയാത്രയായി ചേറ്റം കുന്നിൽ എത്തിക്കുകയായിരുന്നു.

നിരവധി ഭക്തജനങ്ങളുടെ സാന്നിദ്ധ്യത്തിൽ ദീപാരാധന സമയത്താണ പ്രതിഷ്ഠ നടത്തിയത്. ഭാരവാഹികളായ എ.പി.വിനോദൻ, കാരായി ശശീന്ദ്രൻ, ശൈലേന്ദ്രൻ, സനൽകുമാർ, സന്തോഷ് കുമാർ, എസ്. എൻ ഡി പി ഭാരവാഹികളായ കെ. ശശിധരൻ ജിതേഷ് വിജയൻ, രവീന്ദ്രൻ മുരിക്കോളി, കെ.പി.രതീഷ് ബാബു, കെ.ജി. ഗിരീഷ്, കെ. സുന്ദരൻ, ലക്ഷമണൻ പൊഞ്ഞാടൻ, കെ.എം ധർമ്മപാലൻ തുടങ്ങിയവർ നേതൃത്വം നൽകി.

### Related Links & Sources
- [Original Story Source](https://thalassery.truevisionnews.com/news/229743/thalassery-chetamkunnu-in-gurudeva-prabhapanchaloha-of-sree-narayana-gurudev-was-consecrated)