ഫ്രെയിമുകൾ മനോഹരമായ കഥ പറയും ; തലശ്ശേരി ഗവ. ഗേൾസ് ഹയർ സെക്കൻഡറി സ്കൂളിലെ അവന്തികയുടെയും, റോഷ്ലിനയും ഫോട്ടോ പ്രദർശനം ശ്രദ്ധേയം

തലശ്ശേരി:(www.thalasserynews.in)  തലശ്ശേരി ഗവ. ഗേൾസ് ഹയർ സെക്കൻഡറി സ്കൂൾപ്ലസ് ടു ഹ്യുമാനിറ്റീസ് വിദ്യാർത്ഥികളായ സി.അവന്തിക,കെ റോഷ്ലീന എന്നിവർ തങ്ങളുടെ ക്യാമറയിൽ പകർത്തിയ ചിത്രങ്ങൾ ഏവരെയും അമ്പരപ്പിക്കും.

Also read: ചക്രവാതച്ചുഴി ന്യൂനമർദ്ദമാകുന്നു, കേരളത്തിൽ അതിശക്തമായ മഴ സാധ്യത

അത്രകണ്ട് മനോഹരമാണ് ഓരോ ഫ്രെയിമുകളും. സ്കൂൾ ജേണലിസം ക്ലബ്ബിൻ്റെ ആഭിമുഖ്യത്തിലായിരുന്നു വേറിട്ട ഫോട്ടോ പ്രദർശനം. ഫോട്ടോഗ്രാഫി പഠിച്ചിട്ടില്ലെങ്കിലും , ക്യാമറ കണ്ണിലൂടെ ഇരുവരും ഒപ്പിയെടുത്ത നിശ്ചല ദൃശ്യങ്ങൾ മിഴിവാർന്നതായിരുന്നു.

ഫോട്ടോഗ്രാഫിക്ക് വീട്ടുകാരുടെയും, അധ്യാപകരുടെയും, കൂട്ടുകാരുടെയും പൂർണ്ണ പിന്തുണ ഉണ്ടെന്ന് ഇരുവരും പറഞ്ഞു. സ്കൂളിൽ നടക്കുന്ന പ്രധാന ചടങ്ങുകൾക്ക് ചിത്രഭാഷ്യം ഒരുക്കുന്നതും ഈ കൊച്ചു മിടുക്കികളാണ്. എൻ.എസ്. എസ്. യൂണിറ്റിൻ്റെയും, കലാ ട്രൂപ്പിൻ്റെയും സജീവ പ്രവർത്തകർ കൂടിയാണ് ഇരുവരും.

Frames tell a beautiful story; Thalassery Govt. Photo exhibition of Avantika and Roshlina of Girls Higher Secondary School is noteworthy