---
title: "വാതിലുകള്‍ തകര്‍ത്ത് മോഷണം, കൊടുവള്ളിയിൽ രണ്ട് വീടുകളില്‍  നിന്ന്  പണവും സ്വര്‍ണ്ണാഭരണവും മോഷ്ടിച്ചു"
english_title: "Burglary by breaking doors Cash and gold ornaments were stolen from two houses in Koduvalli"
publisher: "thalasserynews.in"
canonical_url: "https://thalassery.truevisionnews.com/news/234394/burglary-by-breaking-doors-cash-and-gold-ornaments-were-stolen-from-two-houses-in-koduvalli"
published_at: "2024-09-09T15:07:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66dec1ead48b0_66dec0d0172fc_theft.jpg"
keywords: []
---

# വാതിലുകള്‍ തകര്‍ത്ത് മോഷണം, കൊടുവള്ളിയിൽ രണ്ട് വീടുകളില്‍  നിന്ന്  പണവും സ്വര്‍ണ്ണാഭരണവും മോഷ്ടിച്ചു

> **Lead Summary:** ** ** കൊടുവള്ളിയിൽ രണ്ട് വീടുകളില്‍ മോഷണം. കഴിഞ്ഞ ദിവസം പുലര്‍ച്ചെ കവര്‍ച്ച നടന്നത്. അയല്‍വാസികളായ ഒറ്റക്കാംതൊടുകയില്‍ അബ്ദുല്‍ ഗഫൂര്‍, ഒടി നുഷൂര്‍ എന്നിവരുടെ വീടുകളിലാണ് കള്ളൻകേറിയത് .

## Article Content

** ** കൊടുവള്ളിയിൽ രണ്ട് വീടുകളില്‍ മോഷണം. കഴിഞ്ഞ ദിവസം പുലര്‍ച്ചെ കവര്‍ച്ച നടന്നത്. അയല്‍വാസികളായ ഒറ്റക്കാംതൊടുകയില്‍ അബ്ദുല്‍ ഗഫൂര്‍, ഒടി നുഷൂര്‍ എന്നിവരുടെ വീടുകളിലാണ് കള്ളൻകേറിയത് .

വീട്ടിലുള്ളവര്‍ ഉംറക്കായി പോയതായിരുന്നു. ഗഫൂറിന്റെ വീട്ടിലെ കിടപ്പുമുറിയില്‍ അലമാരയില്‍ സൂക്ഷിച്ച ഒരു ലക്ഷം രൂപയും അഞ്ച് പവന്‍ സ്വര്‍ണ്ണാഭരണവും നഷ്ടമായി.

നുഷൂറിന്റെ വീട്ടിലെ അലമാരയിലെ ബാഗില്‍ സൂക്ഷിച്ച 25000 രൂപയാണ് നഷ്ടമായത്. സമീപത്ത് താമസിച്ചിരുന്ന ബന്ധുക്കളാണ് മോഷണ വിവരം അറിഞ്ഞത്.

പരിശോധനയില്‍ ഇരുവീടുകളിലെയും മുന്‍വശത്തെ വാതിലുകള്‍ തകര്‍ത്ത നിലയില്‍ കണ്ടെത്തുകയായിരുന്നു. കൊടുവള്ളി പോലീസ് ഇന്‍സ്‌പെക്ടര്‍ അഭിലാഷിന്റെ നേതൃത്വത്തിലുള്ള സംഘം സ്ഥലത്ത് പരിശോധന നടത്തി. ഡോഗ് സ്വാഡും സംഭവ സ്ഥലത്ത് എത്തിയിരുന്നു.

### Related Links & Sources
- [Original Story Source](https://thalassery.truevisionnews.com/news/234394/burglary-by-breaking-doors-cash-and-gold-ornaments-were-stolen-from-two-houses-in-koduvalli)