പി വി അൻവറിന്റെ നിലപാടുകൾ സഹായിക്കുന്നത് ആർഎസ്എസിനെ - ബൃന്ദ കാരാട്ട്

  (www.thalasserynews.in) പിവി അൻവറിൻ്റെ നിലപാടുകൾ സഹായിക്കുന്നത് ആർ എസ് എസ്സിനെയെന്ന് സി പിഐഎം പിബി അംഗം ബൃന്ദ കാരാട്ട്. ജനകീയ സർക്കാറിനെതിരായ പ്രചരങ്ങൾ ജനങ്ങൾ തന്നെ പ്രതിരോധിക്കുമെന്നും ബൃന്ദ കാരാട്ട് പറഞ്ഞു. തലശ്ശേരി മുളിയിൽനടയിൽ കോടിയേരി ബാലകൃഷ്ണൻ അനുസ്മരണ സമ്മേളനത്തിൽ സംസാരിക്കുകയായിരുന്നു ബൃന്ദ കാരാട്ട്.

Also read: ജില്ലാ സ്കൂൾ കലോത്സവത്തിൽ തലശേരി സ്വദേശിനി ആയിഷ സെബക്ക് മിന്നും വിജയം

വർഗ്ഗീയ ശക്തികൾക്കെതിരെ സന്ധിയില്ലാത്ത നിലപാട് സ്വീകരിക്കുന്ന സർക്കാരാണ് കേരളത്തിലേതെന്ന് ബൃന്ദ കാരാട്ട് പറഞ്ഞു. ഈ സർക്കാറിനെ ദുർബലപ്പെടുത്താനാണ് ചില വ്യക്തികൾ ശ്രമിക്കുന്നത്.

അവർ കേരള മുഖ്യമന്ത്രി പിണറായി വിജയനെതിരെ അസംബന്ധം പ്രചരിപ്പിക്കുന്നു. ഇതുവരെയുള്ള ജീവിതം മുഴുവൻ ആർ എസ് എസ്സിനെതിരെ പോരാടുന്ന വ്യക്തിയാണ് പിണറായി. ആ പിണറായിക്കെതിരെയാണ് ആർ എസ് എസ് ബന്ധം ആരോപിക്കുന്നത്.

Also read: അഴിമതിക്കാരായ ഉദ്യോഗസ്ഥരോട് വിട്ടുവീഴ്ചയില്ലാത്ത സമീപനം സ്വീകരിക്കുമെന്ന് മുഖ്യമന്ത്രി പിണറായി വിജയൻ ; തലശേരി നഗരസഭയുടെ പുതിയ കെട്ടിടം ഉദ്ഘാടനം ചെയ്തു.

ഇത്തരം ദുഷ്പ്രചാരണങ്ങൾ ആർ എസ് എസിനെ സഹായിക്കാനാണെന്നും ബൃന്ദ കാരാട്ട് പറഞ്ഞു. തലശ്ശേരി മൂളിയിൽനടയിൽ കോടിയേരി ബാലകൃഷ്ണൻ അനുസ്മരണ സമ്മേളനത്തിൽ സംസാരിക്കുകയായിരുന്നു ബൃന്ദ കാരാട്ട്. അനുസ്മരണത്തിൻ്റെ ഭാഗമായി നടന്ന ചുവപ്പ് വളണ്ടിയർ മാർച്ചും പ്രകടനവും കോടിയേരിയെ ചെങ്കടലാക്കി.

അനുസ്മരണ പൊതുയോഗത്തിൽ സിപിഐ എം കണ്ണൂർ ജില്ലാ സെക്രട്ടറി എംവി ജയരാജൻ, ജില്ലാ സെക്രട്ടറിയേറ്റ് അംഗം എം സുരേന്ദ്രൻ, തലശ്ശേരി ഏരിയാ സെക്രട്ടറി സി കെ രമേശൻ, കോടിയേരിയുടെ പത്നി വിനോദിനി ബാലകൃഷ്ണൻ തുടങ്ങിയവർ പങ്കെടുത്തു.

PV Anwar's positions help RSS - Brenda Karat