---
title: "പി പി ദിവ്യയ്ക്ക് പുതിയ പദവി; കണ്ണൂർ ജില്ലാ പഞ്ചായത്ത് ധനകാര്യ സ്ഥിരം സമിതിഅംഗം"
english_title: "PP Divya gets new post: Kannur District Panchayat Finance Standing Committee Member"
publisher: "thalasserynews.in"
canonical_url: "https://thalassery.truevisionnews.com/news/254521/pp-divya-gets-new-post-kannur-district-panchayat-finance-standing-committee-member"
published_at: "2024-12-07T11:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6753e9e107df3_images_(2).jpg"
keywords: []
---

# പി പി ദിവ്യയ്ക്ക് പുതിയ പദവി; കണ്ണൂർ ജില്ലാ പഞ്ചായത്ത് ധനകാര്യ സ്ഥിരം സമിതിഅംഗം

> **Lead Summary:** കണ്ണൂര്‍: കണ്ണൂര്‍ ജില്ലാ പഞ്ചായത്ത് അദ്ധ്യക്ഷ സ്ഥാനം രാജിവെച്ച പി പി ദിവ്യയ്ക്ക് പുതിയ പദവി. കണ്ണൂർ ജില്ലാ പഞ്ചായത്ത് ധനകാര്യ സ്ഥിരം സമിതിയംഗമായാണ് ദിവ്യക്ക് സ്ഥാനം ലഭിച്ചത്. പാർട്ടി നിർദേശപ്രകാരമാണ് ദിവ്യയ്ക്ക് പുതിയ ചുമതല ലഭിച്ചത്

## Article Content

കണ്ണൂര്‍: കണ്ണൂര്‍ ജില്ലാ പഞ്ചായത്ത് അദ്ധ്യക്ഷ സ്ഥാനം രാജിവെച്ച പി പി ദിവ്യയ്ക്ക് പുതിയ പദവി. കണ്ണൂർ ജില്ലാ പഞ്ചായത്ത് ധനകാര്യ സ്ഥിരം സമിതിയംഗമായാണ് ദിവ്യക്ക് സ്ഥാനം ലഭിച്ചത്. പാർട്ടി നിർദേശപ്രകാരമാണ് ദിവ്യയ്ക്ക് പുതിയ ചുമതല ലഭിച്ചത്

കണ്ണൂരിലെ മുന്‍ എഡിഎം നവീന്‍ ബാബുവിന്റെ മരണത്തില്‍ ആത്മഹത്യ പ്രേരണക്കുറ്റം ചുമത്തിയതിന് പിന്നാലെയാണ് ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് പി പി ദിവ്യയെ പാര്‍ട്ടി ഇടപെട്ട് നീക്കിയത്. പുതിയ ജില്ലാ പഞ്ചായത്ത് പ്രസിഡന്റായി കെ കെ രത്‌നകുമാരിയെ പാര്‍ട്ടി നിര്‍ദേശിക്കുകയും ചെയ്തിരുന്നു.

കേസിൽ മുന്‍കൂര്‍ ജാമ്യം നിഷേധിച്ചതിനെ തുടര്‍ന്ന് റിമാന്‍ഡിലായ ദിവ്യയെ സിപി ഐഎം ജില്ലാ കമ്മിറ്റിയില്‍ നിന്ന് ബ്രാഞ്ച് കമ്മിറ്റിയിലേക്ക് തരംതാഴ്ത്തിയിരുന്നു. അതേ സമയം നവീന്‍ ബാബുവിന്റെ മരണത്തില്‍ സിബിഐ അന്വേഷണം ആവശ്യപ്പെട്ടുള്ള ഹര്‍ജി വിശദമായി വാദം കേള്‍ക്കാന്‍ മാറ്റി. വ്യാഴാഴ്ചയായിരിക്കും ഇനി ഹര്‍ജി പരിഗണിക്കുക.

### Related Links & Sources
- [Original Story Source](https://thalassery.truevisionnews.com/news/254521/pp-divya-gets-new-post-kannur-district-panchayat-finance-standing-committee-member)