---
title: "മുഴപ്പിലങ്ങാട് സ്വദേശിനിയായ നഴ്സിംഗ് വിദ്യാർത്ഥിനി കർണാടകയില്‍ ഹോസ്റ്റൽ മുറിയിൽ മരിച്ച നിലയിൽ ; കോളേജധികൃതരുടെ  മാനസീക പീഡനം മൂലമെന്ന് ബന്ധുക്കൾ"
english_title: "Nursing student from Muzhappilangad found dead in hostel room in Karnataka; Relatives allege mental torture by college authorities"
publisher: "thalasserynews.in"
canonical_url: "https://thalassery.truevisionnews.com/news/268161/nursing-student-from-muzhappilangad-found-dead-in-hostel-room-in-karnataka-relatives-allege-mental-torture-by-college-authorities"
published_at: "2025-02-05T13:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67a321dc8c462_Untitled-8_copy.jpg"
keywords: []
---

# മുഴപ്പിലങ്ങാട് സ്വദേശിനിയായ നഴ്സിംഗ് വിദ്യാർത്ഥിനി കർണാടകയില്‍ ഹോസ്റ്റൽ മുറിയിൽ മരിച്ച നിലയിൽ ; കോളേജധികൃതരുടെ  മാനസീക പീഡനം മൂലമെന്ന് ബന്ധുക്കൾ

> **Lead Summary:** കർണാടകയിലെ രാമനഗരയിൽ നഴ്സിംഗ് വിദ്യാർത്ഥിനിയെ കോളേജ് ഹോസ്റ്റൽ മുറിയിൽ മരിച്ച നിലയിൽ കണ്ടെത്തി. 

## Article Content

കർണാടകയിലെ രാമനഗരയിൽ നഴ്സിംഗ് വിദ്യാർത്ഥിനിയെ കോളേജ് ഹോസ്റ്റൽ മുറിയിൽ മരിച്ച നിലയിൽ കണ്ടെത്തി. 

കണ്ണൂർ മുഴപ്പിലങ്ങാട് സ്വദേശിനി അനാമിക (19) ആണ് തൂങ്ങി മരിച്ച നിലയിൽ കണ്ടെത്തിയത്. രാമനഗരയിലെ ദയാനന്ദ് സാഗർ നഴ്സിംഗ് കോളേജിലെ ഒന്നാം വർഷ നഴ്സിംഗ് വിദ്യാർത്ഥിനിയായിരുന്നു അനാമിക. സംഭവത്തിൽ ഹരോഹള്ളി പൊലീസ് അന്വേഷണം ആരംഭിച്ചു.

കോളേജ് അധികൃതരുടെ മാനസികപീഡനം സഹിക്കാനാവാതെയാണ് അനാമിക ആത്മഹത്യ ചെയ്തതെന്ന് കുടുംബം ആരോപിക്കുന്നു. ഇന്നലെ വൈകിട്ട് വിളിച്ചിട്ടും വാതിൽ തുറക്കാതിരുന്നതിനെത്തുടർന്നാണ് സഹപാഠികൾ മുറി തള്ളിത്തുറന്ന് അകത്ത് കയറിയത്. അനാമിക ആത്മഹത്യ ചെയ്യാൻ കാരണം കോളേജ് മാനേജ്മെന്‍റാണെന്നും കർശനനടപടി വേണമെന്നും കുടുംബാംഗങ്ങൾ ആവശ്യപ്പെടുന്നു.

മാനേജ്മെന്‍റിൽ നിന്നുള്ള മാനസികപീഡനം മൂലം വലിയ സമ്മർദ്ദത്തിലായിരുന്നു കുട്ടി എന്ന് സഹപാഠികൾ തന്നെ പറഞ്ഞിരുന്നുവെന്നും കുടുംബം പറയുന്നു. സംഭവത്തിൽ കേസ് റജിസ്റ്റർ ചെയ്ത് അന്വേഷണം തുടങ്ങിയതായി ഹാരോഹള്ളി പൊലീസ് അറിയിച്ചു. കഴിഞ്ഞ ഒരു വർഷത്തിനിടെ ബെംഗളൂരുവിൽ മാത്രം വിവിധ സ്വകാര്യ നഴ്സിംഗ് കോളേജുകളിലായി 15 മലയാളി വിദ്യാർത്ഥികൾ ജീവനൊടുക്കിയെന്നാണ് കണക്ക്

### Related Links & Sources
- [Original Story Source](https://thalassery.truevisionnews.com/news/268161/nursing-student-from-muzhappilangad-found-dead-in-hostel-room-in-karnataka-relatives-allege-mental-torture-by-college-authorities)