---
title: "തൊഴിലവസരങ്ങൾ തുറന്ന് കണ്ണൂരിൽ  വിജ്ഞാന  കേരളം മിനി ജോബ് ഫെയർ"
english_title: "Vigyan Keralam Mini Job Fair opens up job opportunities in Kannur"
publisher: "thalasserynews.in"
canonical_url: "https://thalassery.truevisionnews.com/news/313671/vigyan-keralam-mini-job-fair-opens-up-job-opportunities-in-kannur"
published_at: "2025-09-09T10:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68bfb262d8924_Untitled-1_copy.jpg"
keywords: []
---

# തൊഴിലവസരങ്ങൾ തുറന്ന് കണ്ണൂരിൽ  വിജ്ഞാന  കേരളം മിനി ജോബ് ഫെയർ

> **Lead Summary:** ജോബ് ഫെയർ,വിജ്ഞാന കേരളം പദ്ധതിയുടെ ഭാഗമായി കണ്ണൂർ ബ്ലോക്ക് പഞ്ചായത്തും കണ്ണൂർ കോർപ്പറേഷനും ചേർന്ന് സംഘടിപ്പിച്ച മിനി ജോബ് ഫെയർ പള്ളിക്കുന്ന് കൃഷ്ണമേനോൻ സ്മാരക ഗവ. വനിത കോളജിൽ രജിസ്ട്രേഷൻ, പുരാവസ്തു, മ്യൂസിയം വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. കെ.വി സുമേഷ് എംഎൽഎ അധ്യക്ഷനായി.

## Article Content

ജോബ് ഫെയർ,വിജ്ഞാന കേരളം പദ്ധതിയുടെ ഭാഗമായി കണ്ണൂർ ബ്ലോക്ക് പഞ്ചായത്തും കണ്ണൂർ കോർപ്പറേഷനും ചേർന്ന് സംഘടിപ്പിച്ച മിനി ജോബ് ഫെയർ പള്ളിക്കുന്ന് കൃഷ്ണമേനോൻ സ്മാരക ഗവ. വനിത കോളജിൽ രജിസ്ട്രേഷൻ, പുരാവസ്തു, മ്യൂസിയം വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. കെ.വി സുമേഷ് എംഎൽഎ അധ്യക്ഷനായി.

തൊഴിലന്വേഷകർക്ക് സർക്കാരിതര മേഖലകളിലെ പ്രാദേശിക തൊഴിലസരങ്ങൾ ലഭ്യമാക്കാൻ വിജ്ഞാന കേരളം പദ്ധതി മുഖേന ബ്ലോക്ക് പഞ്ചായത്ത് തലത്തിൽ നടത്തുന്ന മിനി ജോബ് ഫെയറിൽ ജില്ലയിലെ മൂന്നാമത്തേതാണ് കണ്ണൂർ വനിതാ കോളേജിലേത്. വിവിധ മേഖലകളിൽ നിന്നും 70ലധികം കമ്പനികളാണ് തൊഴിൽ മേളയിൽ പങ്കെടുത്തത്. പത്താം തരം മുതൽ വി എച്ച് എസ് സി, ബിരുദ-ബിരുദാനന്തര ബിരുദധാരികൾക്കും മെഡിക്കൽ, പാരാമെഡിക്കൽ, ഐടിഐ, പോളിടെക്നിക്, ബിടെക് തുടങ്ങിയ പ്രഫഷണൽ യോഗ്യതയുള്ളവർക്കും നിരവധി അവസരങ്ങൾ മേളയിലുണ്ട്. ഓണത്തിന് ഒരു ലക്ഷം തൊഴിൽ എന്ന പ്രത്യേക ക്യാമ്പയിനും കുടുംബശ്രീയുടെ നേതൃത്വത്തിൽ നടന്നു വരികയാണ്. അടുത്ത ഒരു വർഷം ചുരുങ്ങിയത് മൂന്ന് ലക്ഷം പേർക്ക് സർക്കാരിതര മേഖലകളിലെ തൊഴിലവസരങ്ങൾ കണ്ടെത്തി ലഭ്യമാക്കാനാണ് ഈ ജനകീയ ഇടപെടൽ.

### Related Links & Sources
- [Original Story Source](https://thalassery.truevisionnews.com/news/313671/vigyan-keralam-mini-job-fair-opens-up-job-opportunities-in-kannur)