---
title: "സ്വർണം പുറത്തെടുത്ത് ഉരുക്കി, വിവരങ്ങൾ മറച്ചുവെച്ചു'; കരിപ്പൂരിലെ മൂന്ന് പോലീസ് ഉദ്യോഗസ്ഥർക്കെതിരെ കാരണം കാണിക്കൽ നോട്ടീസ്"
english_title: "Gold was taken out, melted and information was concealed'; Show cause notice issued against three police officers in Karipur"
publisher: "thalasserynews.in"
canonical_url: "https://thalassery.truevisionnews.com/news/365069/gold-was-taken-out-melted-and-information-was-concealed-show-cause-notice-issued-against-three-police-officers-in-karipur"
published_at: "2026-06-10T12:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a290554cb221_tgtgtgt.jpg"
keywords: ["Gold", "Melted", "Concealed", "Show cause notice", "Police Officers in Karipur"]
---

# സ്വർണം പുറത്തെടുത്ത് ഉരുക്കി, വിവരങ്ങൾ മറച്ചുവെച്ചു'; കരിപ്പൂരിലെ മൂന്ന് പോലീസ് ഉദ്യോഗസ്ഥർക്കെതിരെ കാരണം കാണിക്കൽ നോട്ടീസ്

> **Lead Summary:** കരിപ്പൂർ അന്താരാഷ്ട്ര വിമാനത്താവളം വഴി കടത്തുന്ന കള്ളക്കടത്ത് സ്വർണം പിടികൂടുന്ന നടപടിക്രമങ്ങളിൽ ഗുരുതര വീഴ്ച വരുത്തിയ മൂന്ന് പോലീസ് ഉദ്യോഗസ്ഥർക്കെതിരെ കസ്റ്റംസ് നീക്കം. എസിപി പി.പി ഷിബു, സിഐമാരായ രജീഷ്, ടി.എസ് ബിനു എന്നിവർക്കാണ് കസ്റ്റംസ് കാരണം കാണിക്കൽ നോട്ടീസ് അയച്ചത്.

## Article Content

കരിപ്പൂർ അന്താരാഷ്ട്ര വിമാനത്താവളം വഴി കടത്തുന്ന കള്ളക്കടത്ത് സ്വർണം പിടികൂടുന്ന നടപടിക്രമങ്ങളിൽ ഗുരുതര വീഴ്ച വരുത്തിയ മൂന്ന് പോലീസ് ഉദ്യോഗസ്ഥർക്കെതിരെ കസ്റ്റംസ് നീക്കം. എസിപി പി.പി ഷിബു, സിഐമാരായ രജീഷ്, ടി.എസ് ബിനു എന്നിവർക്കാണ് കസ്റ്റംസ് കാരണം കാണിക്കൽ നോട്ടീസ് അയച്ചത്.

വിമാനത്താവളത്തിനുള്ളിലും പരിസരത്തുനിന്നും പിടികൂടുന്ന കള്ളക്കടത്ത് സ്വർണം സംബന്ധിച്ച കേസുകൾ കൈകാര്യം ചെയ്യുന്നതിൽ പൊലീസിന്റെ ഭാഗത്തുനിന്ന് ഗുരുതരമായ ചട്ടലംഘനങ്ങളും വീഴ്ചകളും ഉണ്ടായതായി കസ്റ്റംസ് നേരത്തെ തന്നെ കണ്ടെത്തിയിരുന്നു.

കസ്റ്റംസ് ആക്ട് പ്രകാരം വിമാനത്താവള പരിധിയിൽ സ്വർണം പിടികൂടാൻ നിയമപരമായ അധികാരം കസ്റ്റംസിന് മാത്രമാണെന്നിരിക്കെ, പൊലീസ് പിടിച്ചെടുക്കുന്ന ഭൂരിഭാഗം കേസുകളും കസ്റ്റംസിന് ഔദ്യോഗികമായി കൈമാറിയിരുന്നില്ല.

സ്വർണം പിടികൂടിയത് കസ്റ്റംസിനെ അറിയിച്ചില്ല, മജിസ്ട്രേറ്റിന്റെ അനുമതിയില്ലാതെ പ്രതികളെ എക്സ്റേക്കു വിധേയമാക്കി, കസ്റ്റംസ് ഉദ്യോഗസ്ഥരുടെ സാന്നിധ്യമോ മജിസ്ട്രേറ്റിന്റെ അനുമതിയോ ഇല്ലാതെ മഹസർ തയ്യാറാക്കുകയും സ്വർണം പുറത്തെടുത്ത് ഉരുക്കുകയും ചെയ്തു എന്നിവയാണു പൊലീസിന്റെ വീഴ്ചകളായി കസ്റ്റംസ് ആരോപിക്കുന്നത്. വിശദീകരണം തൃപ്തികരമല്ലെങ്കിൽ പൊലീസ് ഉദ്യോ​ഗസ്ഥർക്ക് പിഴ ചുമത്തും.

### Related Links & Sources
- [Original Story Source](https://thalassery.truevisionnews.com/news/365069/gold-was-taken-out-melted-and-information-was-concealed-show-cause-notice-issued-against-three-police-officers-in-karipur)