---
title: "സ്ത്രീ ശാക്തീകരണത്തെയും, യാത്രയെയും പ്രതിഫലിക്കണം ;  'പ്രിയദര്‍ശിനി' പദ്ധതിക്കായി കെഎസ്‌ആര്‍ടിസിയുടെ ലോഗോ മത്സരം"
english_title: "KSRTC's logo competition for 'Priyadarshini' project should reflect women's empowerment and travel"
publisher: "thalasserynews.in"
canonical_url: "https://thalassery.truevisionnews.com/news/367889/ksrtcs-logo-competition-for-priyadarshini-project-should-reflect-womens-empowerment-and-travel"
published_at: "2026-06-23T19:50:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3a96d97caad_Untitled-6_copy.jpg"
keywords: ["'Priyadarshini", "KSRTC", "logo", "Free Travel"]
---

# സ്ത്രീ ശാക്തീകരണത്തെയും, യാത്രയെയും പ്രതിഫലിക്കണം ;  'പ്രിയദര്‍ശിനി' പദ്ധതിക്കായി കെഎസ്‌ആര്‍ടിസിയുടെ ലോഗോ മത്സരം

> **Lead Summary:** സ്ത്രീകള്‍ക്കായി കെഎസ്‌ആർടിസി നടപ്പിലാക്കുന്ന സൗജന്യ യാത്രാ പദ്ധതിയായ 'പ്രിയദർശിനി'ക്ക് വേണ്ടി ലോഗോ ക്ഷണിച്ചു. പദ്ധതിയുടെ ലക്ഷ്യങ്ങള്‍ക്കും ആശയങ്ങള്‍ക്കും അനുയോജ്യമായ ലോഗോകള്‍ തയ്യാറാക്കി അയക്കുന്നവരില്‍ നിന്ന് തിരഞ്ഞെടുക്കുന്ന മികച്ച ലോഗോയ്ക്ക് 10,000 രൂപ സമ്മാനമായി നല്‍കും.

## Article Content

സ്ത്രീകള്‍ക്കായി കെഎസ്‌ആർടിസി നടപ്പിലാക്കുന്ന സൗജന്യ യാത്രാ പദ്ധതിയായ 'പ്രിയദർശിനി'ക്ക് വേണ്ടി ലോഗോ ക്ഷണിച്ചു. പദ്ധതിയുടെ ലക്ഷ്യങ്ങള്‍ക്കും ആശയങ്ങള്‍ക്കും അനുയോജ്യമായ ലോഗോകള്‍ തയ്യാറാക്കി അയക്കുന്നവരില്‍ നിന്ന് തിരഞ്ഞെടുക്കുന്ന മികച്ച ലോഗോയ്ക്ക് 10,000 രൂപ സമ്മാനമായി നല്‍കും.

ലോഗോ തയ്യാറാക്കുന്നതിനായി കെഎസ്‌ആർടിസി കൃത്യമായ നിർദ്ദേശങ്ങളും മാനദണ്ഡങ്ങളും പുറപ്പെടുവിച്ചിട്ടുണ്ട്. താല്‍പ്പര്യമുള്ളവർക്ക് അതനുസരിച്ച്‌ ലോഗോകള്‍ സമർപ്പിക്കാവുന്നതാണ്. സ്ത്രീ ശാക്തീകരണത്തെയും യാത്രയെയും ഒരേപോലെ പ്രതിഫലിപ്പിക്കുന്ന രീതിയിലുള്ള ഡിസൈനുകള്‍ക്കാണ് മുൻഗണന നല്‍കുന്നത്.

ലോഗോ ഡിസൈന്‍ നിര്‍ദേശങ്ങള്‍-

ലോഗോ സ്ത്രീ ശാക്തീകരണം, സാമൂഹിക സമത്വം, സ്വതന്ത്ര യാത്ര എന്നീ ആശയങ്ങള്‍ പ്രതിഫലിപ്പിക്കുന്നതായിരിക്കണം.

ലോഗോയില്‍ 'പ്രിയദര്‍ശിനി' പദ്ധതിയുടെ ലക്ഷ്യവും സന്ദേശവും വ്യക്തമായി ഉള്‍ക്കൊള്ളിക്കേണ്ടതാണ്.

ലോഗോ പൂര്‍ണ്ണമായും സൃഷ്ടാവിന്റെ സ്വന്തം രൂപകല്‍പ്പനയായിരിക്കണം. പകര്‍പ്പവകാശ ലംഘനം ഉണ്ടാകാന്‍ പാടില്ല.

### Related Links & Sources
- [Original Story Source](https://thalassery.truevisionnews.com/news/367889/ksrtcs-logo-competition-for-priyadarshini-project-should-reflect-womens-empowerment-and-travel)