---
title: "തലശ്ശേരി അമൃത വിദ്യാലയത്തിൽ ഗുരു പൂർണ്ണിമ ആഘോഷിച്ചു ;  വിദ്യാർത്ഥികളും നൂറോളം രക്ഷിതാക്കളും പങ്കെടുത്തു"
english_title: "Guru Purnima Celebrated at Amrita Vidyalayam Thalassery with Swami Amritakripanandapuri"
publisher: "thalasserynews.in"
canonical_url: "https://thalassery.truevisionnews.com/news/374196/guru-purnima-celebrated-at-amrita-vidyalayam-thalassery-with-swami-amritakripanandapuri"
published_at: "2026-07-23T20:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a622803450a1_Untitled-2_copy.jpg"
keywords: []
---

# തലശ്ശേരി അമൃത വിദ്യാലയത്തിൽ ഗുരു പൂർണ്ണിമ ആഘോഷിച്ചു ;  വിദ്യാർത്ഥികളും നൂറോളം രക്ഷിതാക്കളും പങ്കെടുത്തു

> **Lead Summary:** തലശ്ശേരി: തലശ്ശേരി അമൃത വിദ്യാലയത്തിൽ ഗുരു പൂർണ്ണിമ ആഘോഷം ഭക്തിസാന്ദ്രമായി നടന്നു. വിദ്യാർത്ഥികൾക്കൊപ്പം നൂറോളം രക്ഷിതാക്കളും ചടങ്ങിൽ സംബന്ധിച്ചു.

## Article Content

തലശ്ശേരി: തലശ്ശേരി അമൃത വിദ്യാലയത്തിൽ ഗുരു പൂർണ്ണിമ ആഘോഷം ഭക്തിസാന്ദ്രമായി നടന്നു. വിദ്യാർത്ഥികൾക്കൊപ്പം നൂറോളം രക്ഷിതാക്കളും ചടങ്ങിൽ സംബന്ധിച്ചു.

മാതാ അമൃതാനന്ദമയി മഠം കണ്ണൂർ മഠാധിപതി സംപൂജ്യ സ്വാമി അമൃതകൃപാനന്ദപുരിജിയുടെ മുഖ്യ കാർമികത്വത്തിലാണ് പരിപാടികൾ സംഘടിപ്പിച്ചത്. ഗുരുപാദ പൂജ, അർച്ചന, സംസ്കൃതി പൂജ, സത്സംഗം, ഭജന, ആരതി എന്നിവയോടെയാണ് ആഘോഷങ്ങൾക്ക് തുടക്കം കുറിച്ചത്.

ഗുരു പൂർണ്ണിമയുടെ പ്രാധാന്യത്തെക്കുറിച്ചും ഗുരുവിന്റെ മഹത്വത്തെക്കുറിച്ചും ഭാരതീയ സംസ്കാരത്തിന്റെ പ്രത്യേകതകളെക്കുറിച്ചും സ്വാമിജി സത്സംഗത്തിൽ പ്രഭാഷണം നടത്തി. ഗുരുശിഷ്യ ബന്ധത്തിന്റെ മൂല്യവും വിദ്യാഭ്യാസത്തിലെ ആത്മീയതയുടെ സ്ഥാനവും അദ്ദേഹം വിശദീകരിച്ചു.

സ്കൂൾ പ്രിൻസിപ്പൽ ബ്രഹ്മചാരിണി സമാരാധ്യാമൃത ചൈതന്യജി ചടങ്ങുകൾക്ക് നേതൃത്വം നൽകി. വിദ്യാർത്ഥികൾ ഭജനകളും പ്രാർത്ഥനകളും അവതരിപ്പിച്ചു.

ഗുരുവിനോടുള്ള കൃതജ്ഞതയും ബഹുമാനവും പുതിയ തലമുറയിലേക്ക് എത്തിക്കുക എന്ന ലക്ഷ്യത്തോടെയാണ് അമൃത വിദ്യാലയത്തിൽ എല്ലാ വർഷവും ഗുരു പൂർണ്ണിമ വിപുലമായി ആചരിക്കുന്നത്. ചടങ്ങിൽ പങ്കെടുത്ത രക്ഷിതാക്കൾ ഇത് കുട്ടികൾക്ക് വലിയ ആത്മീയ അനുഭവമായെന്ന് അഭിപ്രായപ്പെട്ടു.

### Related Links & Sources
- [Original Story Source](https://thalassery.truevisionnews.com/news/374196/guru-purnima-celebrated-at-amrita-vidyalayam-thalassery-with-swami-amritakripanandapuri)