---
title: "തളിപ്പറമ്പിൽ അപകട ഭീഷണിയായി പഴയ കുടിവെള്ള ടാങ്ക്; ഉടൻ പൊളിച്ചു നീക്കണമെന്ന് ആവശ്യം"
english_title: "Thaliparamba Dangerous Water Tank Demolition Demand Irrigation Department"
publisher: "thalasserynews.in"
canonical_url: "https://thalassery.truevisionnews.com/news/376274/thaliparamba-dangerous-water-tank-demolition-demand-irrigation-department"
published_at: "2026-08-03T09:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a700e3ea6529_thaliparamba-dangerous-water-tank-demolition.jpg"
keywords: ["Thaliparamba", "Irrigation Tank", "Water Tank Demolition", "Kannur", "Public Safety"]
---

# തളിപ്പറമ്പിൽ അപകട ഭീഷണിയായി പഴയ കുടിവെള്ള ടാങ്ക്; ഉടൻ പൊളിച്ചു നീക്കണമെന്ന് ആവശ്യം

> **Lead Summary:** തളിപ്പറമ്പ്: പഴയ കുടിവെള്ള ടാങ്ക് ഏത് നിമിഷവും തകർന്നുവീഴാറായ നിലയിൽ. അപകടം ഒഴിവാക്കാൻ ഉടൻ പൊളിച്ചു നീക്കണമെന്ന ആവശ്യം ശക്തമാകുന്നു.

## Article Content

തളിപ്പറമ്പ്: പഴയ കുടിവെള്ള ടാങ്ക് ഏത് നിമിഷവും തകർന്നുവീഴാറായ നിലയിൽ. അപകടം ഒഴിവാക്കാൻ ഉടൻ പൊളിച്ചു നീക്കണമെന്ന ആവശ്യം ശക്തമാകുന്നു.

പഴശ്ശിനി ജലസേചന വകുപ്പിന് കീഴിൽ തളിപ്പറമ്പ് നഗരസഭ ഏഴാംമൈൽ പ്ലാത്തോട്ടത്താണ് അപകടാവസ്ഥയിലുള്ള കൂറ്റൻ ടാങ്ക് സ്ഥിതി ചെയ്യുന്നത്. ജലസേചന വകുപ്പിന് ഇവിടെ നാലര ഏക്കർ സ്ഥലമുണ്ട്. റോഡിനോട് ചേർന്ന ഭാഗത്താണ് കൂറ്റൻ കോൺക്രീറ്റ് വാട്ടർ ടാങ്ക് നിൽക്കുന്നത്.

തൂണുകളിൽ ഉയർത്തി നിർമ്മിച്ച ടാങ്കാണിത്. നിലവിൽ ടാങ്കിന്റെ സമീപത്തുള്ള അരയാൽ മരത്തിന്റെ വേരുകൾ ടാങ്കിനെ വലിഞ്ഞുമുറുക്കി താഴേക്ക് വളർന്നിരിക്കുകയാണ്. ഇത് ടാങ്കിന്റെ ബലക്ഷയം കൂടുതൽ രൂക്ഷമാക്കുന്നുണ്ട്.

നിരവധി കാൽനടയാത്രക്കാരും വിദ്യാർഥികളും ദിവസേന കടന്നുപോകുന്ന വഴിയിലാണ് ടാങ്ക് സ്ഥിതി ചെയ്യുന്നത്. ഏത് നിമിഷവും തകർന്നുവീഴാവുന്ന അവസ്ഥയിലാണ് ഇത്.

നിരവധി വർഷങ്ങളായി ടാങ്ക് പൊളിച്ചു മാറ്റണമെന്ന ആവശ്യം നാട്ടുകാർ ഉന്നയിക്കുന്നുണ്ടെങ്കിലും അധികൃതരുടെ ഭാഗത്ത് നിന്ന് കാര്യമായ നടപടിയുണ്ടായിട്ടില്ല.

വലിയൊരു അപകടം സംഭവിക്കുന്നതിന് മുമ്പ് മുൻകരുതൽ സ്വീകരിക്കണമെന്നാണ് നാട്ടുകാരുടെ ആവശ്യം. ടാങ്ക് പൊളിച്ചുനീക്കിയാൽ അപകട സാധ്യത പൂർണമായും ഒഴിവാക്കാൻ കഴിയും.

ജലസേചന വകുപ്പ് ഉടൻ സ്ഥലം സന്ദർശിച്ച് സുരക്ഷിതമായി ടാങ്ക് പൊളിച്ചു മാറ്റാൻ നടപടി സ്വീകരിക്കണമെന്ന് നാട്ടുകാർ അഭ്യർത്ഥിച്ചു.

### Related Links & Sources
- [Original Story Source](https://thalassery.truevisionnews.com/news/376274/thaliparamba-dangerous-water-tank-demolition-demand-irrigation-department)