---
title: "തളിപ്പറമ്പിൽ അടുക്കിവച്ച വൈദ്യുതി തൂൺ ദേഹത്ത് വീണ് യുവാവ് മരിച്ചു"
english_title: "Man Dies After Electricity Pole Falls On Him In Thaliparamba"
publisher: "thalasserynews.in"
canonical_url: "https://thalassery.truevisionnews.com/news/378468/thaliparamba-electricity-pole-falls-youth-dies"
published_at: "2026-08-14T11:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7eb2c9278bf_thaliparamba-electricity-pole-falls-youth-dies.jpg"
keywords: ["Thaliparamba", "Electricity Pole Accident", "Death", "KSEB"]
---

# തളിപ്പറമ്പിൽ അടുക്കിവച്ച വൈദ്യുതി തൂൺ ദേഹത്ത് വീണ് യുവാവ് മരിച്ചു

> **Lead Summary:** **തളിപ്പറമ്പ്: അടുക്കി** വച്ചിരുന്ന വൈദ്യുതി തൂൺ ദേഹത്ത് വീണ് യുവാവ് മരിച്ചു. കാഞ്ഞിരങ്ങാട് വടക്കെമൂല സ്വദേശി പി. ചന്ദ്രന്റെയും കേളോത്ത് മാധവിയുടെയും മകൻ കേളോത്ത് അജീഷ് ആണ് മരിച്ചത്. വൈദ്യുതി വകുപ്പ് അധികൃതർ തൂണുകൾ സ്റ്റോക്ക് ചെയ്യുന്ന സ്ഥലത്ത് വ്യാഴാഴ്ച രാത്രി 7.30 ഓടെയായിരുന്നു സംഭവം.

## Article Content

**തളിപ്പറമ്പ്: അടുക്കി** വച്ചിരുന്ന വൈദ്യുതി തൂൺ ദേഹത്ത് വീണ് യുവാവ് മരിച്ചു. കാഞ്ഞിരങ്ങാട് വടക്കെമൂല സ്വദേശി പി. ചന്ദ്രന്റെയും കേളോത്ത് മാധവിയുടെയും മകൻ കേളോത്ത് അജീഷ് ആണ് മരിച്ചത്. വൈദ്യുതി വകുപ്പ് അധികൃതർ തൂണുകൾ സ്റ്റോക്ക് ചെയ്യുന്ന സ്ഥലത്ത് വ്യാഴാഴ്ച രാത്രി 7.30 ഓടെയായിരുന്നു സംഭവം.

സംഭവസ്ഥലത്ത് ഇരിക്കുകയായിരുന്നു അജീഷ്. പൊലീസ് പറയുന്നതനുസരിച്ച്, തന്നെ കൂട്ടാൻ വരണമെന്ന് അജീഷ് സുഹൃത്തിനോട് പറഞ്ഞിരുന്നു. ഇതനുസരിച്ച് സുഹൃത്ത് സ്ഥലത്തെത്തിയപ്പോഴാണ് അജീഷ് വീണുകിടക്കുന്നത് കണ്ടത്. ഉടൻതന്നെ നാട്ടുകാരുടെയും സുഹൃത്തുക്കളുടെയും സഹായത്തോടെ അജീഷിനെ തളിപ്പറമ്പിലെ ആശുപത്രിയിൽ എത്തിച്ചു.

തുടർന്ന് വിദഗ്ധ ചികിത്സക്കായി പരിയാരം ഗവ. മെഡിക്കൽ കോളജ് ആശുപത്രിയിലേക്ക് മാറ്റി. എന്നാൽ ജീവൻ രക്ഷിക്കാനായില്ല.സംഭവത്തിൽ പൊലീസ് മേൽനടപടികൾ സ്വീകരിച്ചിട്ടുണ്ട്. വൈദ്യുതി വകുപ്പ് സ്റ്റോക്ക് ചെയ്തിരുന്ന സ്ഥലത്ത് എങ്ങനെയാണ് തൂൺ വീണതെന്നും കൂടുതൽ അന്വേഷണത്തിൽ വ്യക്തമാകുമെന്നും പൊലീസ് അറിയിച്ചു.

അജീഷിന്റെ മരണത്തിൽ നാട്ടുകാർ അനുശോചിച്ചു. ചന്ദ്രിക, സുഷമ എന്നിവർ സഹോദരങ്ങളാണ്. സംസ്കാരം ഇന്ന് (14) ഉച്ചയ്ക്ക് 12.30ന് വീട്ടുവളപ്പിൽ നടക്കും. അപകടത്തിൽ അധികൃതർ വിശദമായ പരിശോധന നടത്തുമെന്നാണ് വിവരം.

**English Summary:**

A 36-year-old man, Ajeesh, son of P. Chandran and Keloth Madhavi of Kanhirangad Vadakkemula, died after an electricity pole kept in stock by the KSEB fell on him in Thaliparamba on Thursday around 7.30 pm. Ajeesh was sitting at the KSEB storage site. He had called a friend to pick him up, and the friend found him lying injured. He was taken to Thaliparamba hospital and then to Pariyaram Government Medical College, but could not be saved. Police have started proceedings. Funeral will be held today at 12.30 pm.

### Related Links & Sources
- [Original Story Source](https://thalassery.truevisionnews.com/news/378468/thaliparamba-electricity-pole-falls-youth-dies)