---
title: "മാനസീക സമ്മർദ്ദം കുറക്കാൻ പൊലീസുകാര്‍ക്ക് ആഴ്ചയില്‍ ഒരുദിവസം നിര്‍ബന്ധിത അവധി ;  നിര്‍ദേശവുമായി എഡിജിപി"
english_title: "Kerala Police Officers Mandatory Weekly Off One Day ADGP Order"
publisher: "thalasserynews.in"
canonical_url: "https://thalassery.truevisionnews.com/news/383919/kerala-police-weekly-off-mandatory-adgp-order"
published_at: "2026-09-23T15:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab3a299ec388_kerala-police-weekly-off-mandatory-adgp.jpg"
keywords: []
---

# മാനസീക സമ്മർദ്ദം കുറക്കാൻ പൊലീസുകാര്‍ക്ക് ആഴ്ചയില്‍ ഒരുദിവസം നിര്‍ബന്ധിത അവധി ;  നിര്‍ദേശവുമായി എഡിജിപി

> **Lead Summary:** സംസ്ഥാനത്തെ പോലീസ് ഉദ്യോഗസ്ഥർക്ക് ആഴ്ചയിൽ ഒരു ദിവസം നിർബന്ധിത പ്രതിവാര അവധി അനുവദിക്കാൻ നിർദേശം നൽകി.സ്റ്റേഷൻ ഹൗസ് ഓഫീസർമാർ (എസ്എച്ച്ഒ) ഉൾപ്പെടെയുള്ള എല്ലാ ഉദ്യോഗസ്ഥർക്കും സേവനത്തിന്റെ അടിയന്തര ആവശ്യങ്ങൾക്ക് വിധേയമായി ഊഴമനുസരിച്ച് അവധി നൽകണമെന്നാണ് ക്രമസമാധാന വിഭാഗം എഡിജിപി ജില്ലാ പോലീസ് മേധാവികൾക്ക് ഉത്തരവ് നൽകിയിരിക്കുന്നത്.

## Article Content

സംസ്ഥാനത്തെ പോലീസ് ഉദ്യോഗസ്ഥർക്ക് ആഴ്ചയിൽ ഒരു ദിവസം നിർബന്ധിത പ്രതിവാര അവധി അനുവദിക്കാൻ നിർദേശം നൽകി.സ്റ്റേഷൻ ഹൗസ് ഓഫീസർമാർ (എസ്എച്ച്ഒ) ഉൾപ്പെടെയുള്ള എല്ലാ ഉദ്യോഗസ്ഥർക്കും സേവനത്തിന്റെ അടിയന്തര ആവശ്യങ്ങൾക്ക് വിധേയമായി ഊഴമനുസരിച്ച് അവധി നൽകണമെന്നാണ് ക്രമസമാധാന വിഭാഗം എഡിജിപി ജില്ലാ പോലീസ് മേധാവികൾക്ക് ഉത്തരവ് നൽകിയിരിക്കുന്നത്.

പോലീസ് സ്റ്റേഷനുകളിലെ ആവശ്യമായ അംഗബലവും ക്രമസമാധാന മേൽനോട്ടവും ഉറപ്പാക്കിക്കൊണ്ടായിരിക്കണം അവധികൾ ക്രമീകരിക്കേണ്ടത്. പൊതുസുരക്ഷയെയും അടിയന്തര പോലീസ് സേവനങ്ങളെയും ബാധിക്കാത്ത രീതിയിൽ മുൻകൂട്ടി ഡ്യൂട്ടി റോസ്റ്റർ തയ്യാറാക്കി അവധികൾ ഉൾപ്പെടുത്തണം.

എസ്എച്ച്ഒമാർ പ്രതിവാര അവധിയിൽ പ്രവേശിക്കുമ്പോൾ സ്റ്റേഷന്റെ പൂർണ ചുമതല നിയോഗിക്കപ്പെട്ട ഉദ്യോഗസ്ഥന് കൈമാറണമെന്നും ഉത്തരവിൽ വ്യക്തമാക്കുന്നുണ്ട്. പോലീസ് ഉദ്യോഗസ്ഥരുടെ തൊഴിൽ സമ്മർദം കുറയ്ക്കുന്നതിനും കാര്യക്ഷമത വർധിപ്പിക്കുന്നതിനുമാണ് ഈ നടപടി.

English Summary: The Law and Order ADGP has instructed District Police Chiefs to grant a mandatory weekly off for all police officers in the state, including SHOs, on a rotation basis subject to exigencies of service. Duty rosters must be prepared in advance without affecting public safety and emergency services. When SHOs avail leave, full charge must be handed over to designated officers. The move aims to reduce work stress and improve efficiency.

### Related Links & Sources
- [Original Story Source](https://thalassery.truevisionnews.com/news/383919/kerala-police-weekly-off-mandatory-adgp-order)