---
title: "തലശേരി സൗത്ത് ഉപജില്ലാ വാർത്താ വായനാ മത്സരം ; ഹൈസ്ക്കൂൾ വിഭാഗത്തിൽ പാലയാട് ജി.എച്ച്.എസ്.എസ്സും,  സേക്രഡ് ഹാർട്ട് ഹയർസെക്കണ്ടറിയും ജേതാക്കൾ"
english_title: " Thalassery South Sub District News Reading Competition Palayad GHSS And Sacred Heart Winners"
publisher: "thalasserynews.in"
canonical_url: "https://thalassery.truevisionnews.com/news/384580/thalassery-south-news-reading-competition-palayad-sacred-heart-winners"
published_at: "2026-09-28T19:17:00+05:30"
category: "Thalassery Special"
language: "ml"
image: "https://cf.zdn.im/img/truevisionnews.com/0/image-uploads/6aba70814f7e6_thalassery-south-news-reading-competition-palayad-sacred-heart-winners.jpg"
keywords: ["Thalassery South News Reading", "Palayad GHSS", "Sacred Heart HSS", "New Mahe MM HSS"]
---

# തലശേരി സൗത്ത് ഉപജില്ലാ വാർത്താ വായനാ മത്സരം ; ഹൈസ്ക്കൂൾ വിഭാഗത്തിൽ പാലയാട് ജി.എച്ച്.എസ്.എസ്സും,  സേക്രഡ് ഹാർട്ട് ഹയർസെക്കണ്ടറിയും ജേതാക്കൾ

> **Lead Summary:** തലശേരി: തലശേരി സൗത്ത് ഉപജില്ലാ ശാസ്ത്ര മേളക്ക് ന്യൂമാഹി എം എം ഹയർ സെക്കണ്ടറി സ്കൂളിൽ തുടക്കമായി. ഇതോടനുബന്ധിച്ച് സംഘടിപ്പിച്ച വാർത്താ വായനാ മത്സരം ശ്രദ്ധേയമായി. ഹൈസ്കൂൾ വിഭാഗത്തിൽ പാലയാട് ജി.എച്ച്.എസ്.എസിലെ സി. ധ്യാന ഒന്നാം സ്ഥാനവും, സേക്രഡ് ഹാർട്ട് ഹയർ സെക്കന്ററി സ്കൂളിലെ ഹിബ ഫാത്തിമ രണ്ടാം സ്ഥാനവും നേടി. ഹയർ സെക്കൻ്ററി വിഭാഗത്തിൽ തലശേരി മുബാറക്ക് ഹയർ സെക്കന്ററിയിലെ ഐദ ജലീലും, സേക്രഡ് ഹാർട്ട് ഹയർ സെക്കൻ്റിയിലെ ഫാത്തിമ റിയാസും യഥാക്രമം ഒന്നും രണ്ടും സ്ഥാനവും കരസ്ഥമാക്കി.

## Article Content

തലശേരി: തലശേരി സൗത്ത് ഉപജില്ലാ ശാസ്ത്ര മേളക്ക് ന്യൂമാഹി എം എം ഹയർ സെക്കണ്ടറി സ്കൂളിൽ തുടക്കമായി. ഇതോടനുബന്ധിച്ച് സംഘടിപ്പിച്ച വാർത്താ വായനാ മത്സരം ശ്രദ്ധേയമായി. ഹൈസ്കൂൾ വിഭാഗത്തിൽ പാലയാട് ജി.എച്ച്.എസ്.എസിലെ സി. ധ്യാന ഒന്നാം സ്ഥാനവും, സേക്രഡ് ഹാർട്ട് ഹയർ സെക്കന്ററി സ്കൂളിലെ ഹിബ ഫാത്തിമ രണ്ടാം സ്ഥാനവും നേടി. ഹയർ സെക്കൻ്ററി വിഭാഗത്തിൽ തലശേരി മുബാറക്ക് ഹയർ സെക്കന്ററിയിലെ ഐദ ജലീലും, സേക്രഡ് ഹാർട്ട് ഹയർ സെക്കൻ്റിയിലെ ഫാത്തിമ റിയാസും യഥാക്രമം ഒന്നും രണ്ടും സ്ഥാനവും കരസ്ഥമാക്കി.

മാധ്യമ രംഗത്തോടുള്ള പുതിയ തലമുറയുടെ താത്പര്യവും വാർത്താ അവതരണത്തിലെ കഴിവും പ്രകടമാക്കി തലശേരി സൗത്ത് ഉപജില്ലാ വാർത്താ വായനാ മത്സരം. ന്യൂമാഹി എം.എം ഹയർ സെക്കന്ററി സ്കൂളിൽ നടന്ന മത്സരത്തിൽ വിവിധ വിദ്യാലയങ്ങളിൽ നിന്നുള്ള വിദ്യാർത്ഥികൾ ആവേശത്തോടെ പങ്കെടുത്തു.

ഹൈസ്കൂൾ വിഭാഗത്തിൽ പാലയാട് ജി.എച്ച്.എസ്.എസിലെ സി. ധ്യാന ഒന്നാം സ്ഥാനവും സേക്രഡ് ഹാർട്ട് ഹയർ സെക്കന്ററി സ്കൂളിലെ ഹിബ ഫാത്തിമ രണ്ടാം സ്ഥാനവും നേടി.

തലശേരി സൗത്ത് ഉപജില്ലാ വിദ്യാഭ്യാസ ഓഫീസർ സി.പി. പ്രീത മത്സരം ഉദ്ഘാടനം ചെയ്തു. എം.എം ഹയർ സെക്കന്ററി സ്കൂൾ പ്രിൻസിപ്പൽ ദീപ കുര്യാക്കോസ് അധ്യക്ഷയായി. സോഷ്യൽ സയൻസ് ക്ലബ് സെക്രട്ടറി സന്തോഷ് ഇല്ലോളിൽ, പ്രധാനാധ്യാപകൻ എം.പി. ബാബു, പ്രോഗ്രാം കൺവീനർ പി.എം. സുധീഷ്, ജോയിന്റ് സെക്രട്ടറി കെ. റനീഷ് എന്നിവർ സംസാരിച്ചു.

കെ.വി. പ്രകാശൻ, പ്രഭാകരൻ, മാധ്യമ പ്രവർത്തകൻ സന്ദീപ് ഉണ്ണി എന്നിവർ വിധികർത്താക്കളായി. വാർത്തകളുടെ കൃത്യമായ അവതരണം, ഉച്ചാരണം, ശബ്ദക്രമീകരണം, അവതരണ മികവ്, സമയക്രമം തുടങ്ങിയ വിവിധ ഘടകങ്ങൾ പരിഗണിച്ചാണ് മത്സരാർത്ഥികളെ വിലയിരുത്തിയത്.

ഹൈസ്കൂൾ വിഭാഗത്തിൽ ഒൻപത് വിദ്യാർത്ഥികളും ഹയർ സെക്കന്ററി വിഭാഗത്തിൽ നാല് വിദ്യാർത്ഥികളുമാണ് മത്സരത്തിൽ പങ്കെടുത്തത്. സമകാലിക സംഭവങ്ങളെയും വാർത്തകളെയും പരിചയപ്പെടുന്നതിനൊപ്പം അവ വ്യക്തവും ആകർഷകവുമായ രീതിയിൽ അവതരിപ്പിക്കാനുള്ള വിദ്യാർത്ഥികളുടെ കഴിവ് മത്സരത്തിൽ പ്രകടമായി.

വാർത്താ വായനയിലൂടെ ഭാഷാ പ്രാവീണ്യം, പൊതുവിജ്ഞാനം, ആത്മവിശ്വാസം, ആശയവിനിമയശേഷി എന്നിവ വളർത്തിയെടുക്കാൻ കഴിയുന്നതാണ്. മാധ്യമ രംഗത്തേക്ക് കടന്നുവരാൻ ആഗ്രഹിക്കുന്ന പുതിയ തലമുറയ്ക്ക് ഇത്തരം മത്സരങ്ങൾ മികച്ച വേദിയൊരുക്കുന്നുവെന്നും സംഘാടകർ പറഞ്ഞു.

വിദ്യാർത്ഥികളുടെ അവതരണ മികവും മത്സരത്തോടുള്ള താൽപര്യവും കണക്കിലെടുക്കുമ്പോൾ, മാധ്യമ രംഗത്തേക്കുള്ള പുതിയ തലമുറയുടെ ചുവടുവെപ്പിന്റെ സൂചന കൂടിയായി മത്സരം മാറി.

### Related Links & Sources
- [Original Story Source](https://thalassery.truevisionnews.com/news/384580/thalassery-south-news-reading-competition-palayad-sacred-heart-winners)