---
title: "കണ്ണൂരിൽ അധിക വിലക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രി..? ; രേഖകൾ പുറത്ത്"
english_title: "KIFB Land Acquisition Kannur High Price Pinarayi Vijayan Board Meeting Document"
publisher: "thalasserynews.in"
canonical_url: "https://thalassery.truevisionnews.com/news/387758/kifb-land-acquisition-kannur-pinarayi-vijayan-board-meeting"
published_at: "2026-10-19T14:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad5de5a75f4b_Untitled-10_copy.jpg"
keywords: ["KIFB Land Acquisition", "Pinarayi Vijayan", "Kannur Land Scam", "KINFRA", "KIFB Board Meeting", "KM Abraham", "Kannur Airport Development"]
---

# കണ്ണൂരിൽ അധിക വിലക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രി..? ; രേഖകൾ പുറത്ത്

> **Lead Summary:** കിഫ്ബി ഫണ്ട് ഉപയോഗിച്ച് കണ്ണൂരിൽ അധിക വിലയ്ക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രിയായിരുന്ന പിണറായി വിജയൻ. വിവാദമായ കണ്ണൂർ കിഫ്ബി ഭൂമി ഏറ്റെടുക്കലിന് അടിയന്തിര നടപടിയ്ക്ക് നിർദേശം നൽകി എന്ന് തെളിയിക്കുന്ന രേഖകൾ പുറത്തുവന്നു.

## Article Content

കിഫ്ബി ഫണ്ട് ഉപയോഗിച്ച് കണ്ണൂരിൽ അധിക വിലയ്ക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രിയായിരുന്ന പിണറായി വിജയൻ. വിവാദമായ കണ്ണൂർ കിഫ്ബി ഭൂമി ഏറ്റെടുക്കലിന് അടിയന്തിര നടപടിയ്ക്ക് നിർദേശം നൽകി എന്ന് തെളിയിക്കുന്ന രേഖകൾ പുറത്തുവന്നു.

പദ്ധതിയുടെ ആവശ്യകത ഊന്നിപ്പറഞ്ഞ് പിണറായി വിജയൻ അഭിപ്രായം രേഖപെടുത്തിയ കിഫ്‌ബി ബോർഡ് രേഖയാണ് പുറത്തുവന്നത്. വ്യവസായ വികസനത്തിന് അത്യാവശ്യമെന്ന് അഭിപ്രായം രേഖപ്പെടുത്തിയ കിഫ്‌ബി CEO യുമായുള്ള യോഗത്തിന്റെ വിവരങ്ങളാണിത്.

കിഫ്‌ബി ഡയറക്ടർ ബോർഡിൻറെ 33-ാം ബോർഡ് യോഗത്തിന്റെ മിനിട്സ് അജണ്ടയാണിത്. 2018 ഒക്ടോബർ 25നാണ് കിഫ്‌ബി സിഇഒ ആയ കെ എം എബ്രഹാം അടക്കം പങ്കെടുത്ത യോഗത്തിലാണ് കണ്ണൂരിലെ ഭൂമി ഏറ്റെടുക്കൽ അടക്കം ചർച്ചയായത്.

പദ്ധതി എത്രയും വേഗം പൂർത്തിയാക്കണം അതിനായുള്ള ഭൂമി അതിവേഗം ഏറ്റെടുക്കണം. എയർപോർട്ട് പരിസര വികസനം അടക്കമുള്ള കാര്യങ്ങൾ, വലിയ ഹോട്ടലുകൾ മറ്റ് സൗകര്യങ്ങൾ അടക്കമുള്ളവ അതിവേഗം പൂർത്തിയാക്കാൻ ഭൂമി ഏറ്റെടുക്കൽ ഒരുതരത്തിലും തടസ്സമാകരുത് എന്നും പിണറായി വിജയൻ യോഗത്തിൽ പറഞ്ഞതായി രേഖയിൽ സൂചിപ്പിക്കുന്നു.

ഭൂമി ഘട്ടം ഘട്ടമായി ഏറ്റെടുക്കണം,1000 ഏക്കർ ഭൂമിയാണ് പാലക്കാട്, കണ്ണൂർ ജില്ലകളിലായി കിഫ്‌ബി ഏറ്റെടുത്തിട്ടുള്ളത്. കണ്ണൂരിൽ ഏക്കറിന് 2.5 കോടിയും പാലക്കാട് ഏക്കറിന് 1 കോടിയും നിശ്ചയിച്ചത് കിൻഫ്രയാണ്.

അഞ്ചിരട്ടി തുക നൽകിയുള്ള ഏറ്റെടുക്കൽ ദുരൂഹത എന്നായിരുന്നു വിദഗ്ധ സമിതി വിലയിരുത്തൽ. എന്നാൽ വ്യവസായ വികസനത്തിന് അത്യാവശ്യമെന്ന് പറഞ്ഞു ഏറ്റെടുത്ത കണ്ണൂരിലെ ഭൂമിയിൽ ഒന്നും നടന്നില്ല.

English Summary: Former Chief Minister Pinarayi Vijayan took initiative to buy land at high price in Kannur using KIFB fund. Documents proving that instructions were given for urgent action for controversial Kannur KIFB land acquisition have come out. The document that came out is KIFB board document where Pinarayi Vijayan recorded opinion emphasizing necessity of project. This is information of meeting with KIFB CEO where he recorded opinion that it is essential for industrial development. This is minutes agenda of 33rd board meeting of KIFB Director Board. On October 25, 2018, land acquisition in Kannur among other things was discussed in meeting attended by KIFB CEO K.M. Abraham. Document indicates Pinarayi Vijayan said in meeting that project must be completed as soon as possible, land for it must be acquired quickly, land acquisition should not hinder airport surrounding development including big hotels and other facilities to be completed quickly. Land should be acquired in phases, 1000 acres of land has been acquired by KIFB in Palakkad, Kannur districts. KINFRA fixed Rs 2.5 crore per acre in Kannur and Rs 1 crore per acre in Palakkad. Expert committee assessment was that acquisition by paying five times amount is suspicious. But nothing happened on land acquired in Kannur saying it is essential for industrial development.

### Related Links & Sources
- [Original Story Source](https://thalassery.truevisionnews.com/news/387758/kifb-land-acquisition-kannur-pinarayi-vijayan-board-meeting)