---
title: "തളിപ്പറമ്പിൽ കണ്ണൂർ റവന്യൂ ജില്ലാ ശാസ്ത്രോത്സവത്തിന്റെ ഭാഗമായി വർക്ക് എക്സ്പീരിയൻസ് മേളയ്ക്ക് തുടക്കമായി"
english_title: "Thaliparamba Kannur Revenue District Science Festival Work Experience Fair Sir Syed Higher Secondary School Started"
publisher: "thalasserynews.in"
canonical_url: "https://thalassery.truevisionnews.com/news/389894/thaliparamba-kannur-revenue-district-science-festival-work-experience-fair-sir-syed-higher-secondary-school-started"
published_at: "2026-11-02T14:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae84ed862b0e_thaliparamba-kannur-revenue-district-work-experience-fair-started-sir-syed-school.jpg"
keywords: []
---

# തളിപ്പറമ്പിൽ കണ്ണൂർ റവന്യൂ ജില്ലാ ശാസ്ത്രോത്സവത്തിന്റെ ഭാഗമായി വർക്ക് എക്സ്പീരിയൻസ് മേളയ്ക്ക് തുടക്കമായി

> **Lead Summary:** കണ്ണൂർ: കണ്ണൂർ റവന്യൂ ജില്ലാ ശാസ്ത്രോത്സവത്തിന്റെ ഭാഗമായി സംഘടിപ്പിച്ച വർക്ക് എക്സ്പീരിയൻസ് മേളയ്ക്ക് തളിപ്പറമ്പ് സർ സയ്യിദ് ഹയർ സെക്കൻഡറി സ്കൂളിൽ തുടക്കമായി. ജില്ലയിലെ വിവിധ സ്കൂളുകളിൽ നിന്നായി നൂറുകണക്കിന് വിദ്യാർഥികൾ വിവിധ മത്സര ഇനങ്ങളിൽ മാറ്റുരച്ചു.

## Article Content

കണ്ണൂർ: കണ്ണൂർ റവന്യൂ ജില്ലാ ശാസ്ത്രോത്സവത്തിന്റെ ഭാഗമായി സംഘടിപ്പിച്ച വർക്ക് എക്സ്പീരിയൻസ് മേളയ്ക്ക് തളിപ്പറമ്പ് സർ സയ്യിദ് ഹയർ സെക്കൻഡറി സ്കൂളിൽ തുടക്കമായി. ജില്ലയിലെ വിവിധ സ്കൂളുകളിൽ നിന്നായി നൂറുകണക്കിന് വിദ്യാർഥികൾ വിവിധ മത്സര ഇനങ്ങളിൽ മാറ്റുരച്ചു.

കണ്ണൂർ, കണ്ണൂർ സൗത്ത്, കണ്ണൂർ നോർത്ത്, ഇരിക്കൂർ, മാടായി, പാപ്പിനിശ്ശേരി, തളിപ്പറമ്പ് നോർത്ത്, തളിപ്പറമ്പ് സൗത്ത്, പയ്യന്നൂർ, തലശ്ശേരി നോർത്ത്, തലശ്ശേരി സൗത്ത്, ചൊക്ലി, പാനൂർ, കൂത്തുപറമ്പ്, മട്ടന്നൂർ, ഇരിട്ടി എന്നീ ഉപജില്ലകളിൽ നിന്നുള്ള വിദ്യാർഥികൾ മേളയിൽ പങ്കെടുത്തു.

വിദ്യാർഥികളുടെ സർഗാത്മകതയും തൊഴിൽ നൈപുണ്യവും പ്രായോഗിക പരിജ്ഞാനവും പ്രകടമാക്കുന്ന വിവിധ ഇനങ്ങളിലാണ് മത്സരങ്ങൾ നടന്നത്. കരകൗശല വസ്തുക്കൾ, നിർമാണ പ്രവർത്തനങ്ങൾ, സാങ്കേതിക വിദ്യകൾ തുടങ്ങി വിവിധ മേഖലകളിലെ വിദ്യാർഥികളുടെ കഴിവുകൾ മേളയിൽ ശ്രദ്ധേയമായി.

നവംബർ രണ്ടിന് ഹൈസ്കൂൾ വിഭാഗത്തിന്റെയും നവംബർ മൂന്നിന് ഹയർ സെക്കൻഡറി വിഭാഗത്തിന്റെയും മത്സരങ്ങളാണ് ക്രമീകരിച്ചിരിക്കുന്നത്. വിദ്യാർഥികൾക്ക് തങ്ങളുടെ കഴിവുകൾ പ്രകടിപ്പിക്കാനും പുതിയ അറിവുകളും അനുഭവങ്ങളും പങ്കുവെക്കാനും മേള അവസരമൊരുക്കുന്നു.

### Related Links & Sources
- [Original Story Source](https://thalassery.truevisionnews.com/news/389894/thaliparamba-kannur-revenue-district-science-festival-work-experience-fair-sir-syed-higher-secondary-school-started)