കണ്ണൂരില്‍ കൊറോണ സംശയിച്ചു വിദേശ സഞ്ചാരികളെ തടഞ്ഞുവച്ചു

By | Tuesday March 17th, 2020

SHARE NEWS

കണ്ണൂര്‍: കൊറോണ സംശയിച്ചു യാത്രക്കാര്‍ തടഞ്ഞുവച്ച വിദേശ സഞ്ചാരികള്‍ ആരോഗ്യവകുപ്പ് അധികൃതരെകാത്ത് ബസില്‍ ഇരിക്കേണ്ടിവന്നത് ഒരു മണിക്കൂറിലേറെ. തിങ്കളാഴ്ച രാവിലെ മൈസൂരുവില്‍നിന്ന് മാനന്തവാടി വഴി കണ്ണൂരിലേക്ക് വരികയായിരുന്നു ഫ്രാന്‍സില്‍നിന്നുള്ള സ്ത്രീയും പുരുഷനും. കെ.എസ്.ആര്‍.ടി.സി. ബസ്സിലായിരുന്നു യാത്ര . വിദേശികളായതിനാല്‍ ബസ് കൂത്തുപറമ്പില്‍ എത്തിയപ്പോള്‍ സഹയാത്രക്കാര്‍ ആരോഗ്യവകുപ്പ് അധികൃതരെ വിവരം അറിയിച്ചു.

ബസ് ടൗണ്‍ പൊലീസ് സ്റ്റേഷനു മുന്നില്‍ നിര്‍ത്തണമെന്നും അപ്പോഴേക്കും ആംബുലന്‍സ് തയാറായിരിക്കുമെന്നും ആരോഗ്യവകുപ്പില്‍ നിന്നു മറുപടി ലഭിച്ചതായി യാത്രക്കാര്‍ പറഞ്ഞു. കെഎസ്ആര്‍ടിസി ബസ് നേരെ ടൗണ്‍ സ്റ്റേഷനു മുന്നില്‍ നിര്‍ത്തി. രാത്രി 7.40നു ബസ് എത്തിയെങ്കിലും ആംബുലന്‍സോ ആരോഗ്യവകുപ്പ് അധികൃതരോ എത്തിയിരുന്നില്ല. പൊലീസുകാരും യാത്രക്കാരുമെല്ലാം ദിശ നമ്പറില്‍ ബന്ധപ്പെടാന്‍ ശ്രമിച്ചെങ്കിലും ആരും ഫോണ്‍ എടുക്കുന്നുണ്ടായിരുന്നില്ല.

108 ആംബുലന്‍സില്‍ വിളിച്ചു സേവനം അഭ്യര്‍ഥിച്ചെങ്കിലും ദിശയില്‍ നിന്നു നിര്‍ദേശിക്കാതെ വരാന്‍ പറ്റില്ലെന്നായിരുന്നു മറുപടി. ടൗണ്‍ സ്റ്റേഷന്റെ ഗേറ്റ് അടച്ചു പൊലീസുകാരും ആശങ്കയോടെ കാത്തിരുന്നു. മുക്കാല്‍ മണിക്കൂറിനു ശേഷവും ആരും എത്താതായതോടെ പൊലീസ് റിസോര്‍ട്ട് അധികൃതരെ ബന്ധപ്പെട്ട് ഇവരെ കൂട്ടിക്കൊണ്ടു പോവണമെന്ന് ആവശ്യപ്പെട്ടു. ഇതനുസരിച്ച് റിസോര്‍ട്ടില്‍ നിന്നുള്ള ഓട്ടോ എത്തി ഇവരെ കയറ്റി യാത്ര പുറപ്പെടാന്‍ ഒരുങ്ങുമ്പോള്‍ 108 ആംബുലന്‍സ് വന്നുനിന്നു.

വിദേശ യാത്രക്കാരെ തടഞ്ഞുവച്ച വിവരം അറിഞ്ഞ് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ജില്ലാ ആശുപത്രിയില്‍ വിളിച്ച് ആംബുലന്‍സ് അയയ്ക്കണമെന്നു നിര്‍ദേശിച്ചതിനെത്തുടര്‍ന്നാണ് 8.50ന് ആംബംലന്‍സ് എത്തിയത്. എന്‍95 മാസ്‌ക് ധരിപ്പിച്ച് ഇവരെ ജില്ലാ ആശുപത്രിയിലേക്കു കൊണ്ടുപോയി. രോഗലക്ഷണങ്ങള്‍ ഇല്ലാത്തതിനാല്‍ രാത്രി 10മണിയോടെ ഇവരെ റിസോര്‍ട്ടിലേക്കു പോകാന്‍ അനുവദിച്ചു.

Tags: ,
English summary
Loading...
ചുവടെ കൊടുക്കുന്ന അഭിപ്രായങ്ങള്‍ തലശ്ശേരി ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read