കോവിഡ് ഭീതിയിൽ സാനിറ്റൈസർ നിർമ്മിച്ചു നല്‍കി എരഞ്ഞോളി ഗ്രാമ പഞ്ചായത്ത് മാതൃകയായി

By | Wednesday March 18th, 2020

SHARE NEWS

തലശ്ശേരി: നാടെങ്ങും കോവിഡ് ഭീതിയിൽ കഴിയുമ്പോൾ എരഞ്ഞോളി പ്രാഥമിക ആരോഗ്യ കേന്ദ്രത്തിൽ എരഞ്ഞോളി ഗ്രാമ പഞ്ചായത്തിന്റെയും എക്‌സ്സൈസ് വകുപ്പിന്റെയും സഹകരണത്തോടെ സാനിറ്റൈസർ നിർമ്മിച്ചു. ഗ്രാമ പഞ്ചായത്തിന്റെ പരിധിയിൽ ഉള്ള നിരീക്ഷണത്തിൽ കഴിയുന്ന വീടുകൾ, പൊതു ഇടങ്ങൾ എന്നിവിടങ്ങളിൽ സൗജന്യമായി വിതരണം ചെയ്യുകയും, ഉപയോഗിക്കേണ്ട രീതി ആരോഗ്യ പ്രവർത്തകർ വിശദീകരിക്കുകയും ചെയ്യും.

ആവശ്യത്തിന് സാനിറ്റൈസർ ലഭ്യമാകാത്ത സാഹചര്യത്തിൽ ആണ്‌ ജനങ്ങളുടെ പരിഭ്രാന്തി അകറ്റാനും,  ആത്മവിശ്വാസം വീണ്ടെടുക്കുന്ന വിധത്തിൽ പദ്ധതി ആസൂത്രണം ചെയ്തത്.  ഐസോ പ്രൊപൈൻ ആൽക്കഹോൾ,  ഗ്ലിസറിൻ,  ഹൈഡ്രജൻ പെറോക്‌സൈഡ് എന്നിവയാണ് പ്രാധാന ചേരുവകൾ. എക്‌സ്സൈസ് ഡെപ്യൂട്ടി കമ്മീഷണർ സുരേഷ്, പഞ്ചായത്ത് പ്രസിഡന്റ്‌ എ കെ രമ്യ,  മെഡിക്കൽ ഓഫീസർ ഡോക്ടർ സിപി ബിജോയ്‌,  സ്റ്റാന്റിംഗ് കമ്മിറ്റി ചെയർമാൻ മാരായ ഷീബ,  ഫസീല ഫാറൂഖ്, സി വി സൂരജ്,  മെമ്പർ പി കെ ശ്രീവിദ്യ, ജൂനിയർ ഹെൽത്ത്‌ ഇൻസ്‌പെക്ടർമാർ എന്നിവര്‍ പരിപാടിയിൽ പങ്കാളികളായി.

Tags:
English summary
Loading...
ചുവടെ കൊടുക്കുന്ന അഭിപ്രായങ്ങള്‍ തലശ്ശേരി ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read