---
title: "അമീബിക് മസ്തിഷ്‌ക ജ്വരം ഭേദമാക്കിയത്  രാജ്യത്ത് ആദ്യം ; ജര്‍മ്മനിയിൽ നിന്ന് മരുന്നെത്തിച്ചത് നേട്ടമായെന്ന് ചികിത്സക്ക് നേതൃത്വം നൽകിയ  കോഴിക്കോട്ടെ ഡോ. അബ്ദുൾ റൗഫ് "
english_title: "First in the country to cure amoebic encephalitis;Kozhikode Dr.Abdul Rauf"
publisher: "thalasserynews.in"
canonical_url: "https://thalassery.truevisionnews.com/news/222087/first-in-the-country-to-cure-amoebic-encephalitiskozhikode-drabdul-rauf"
published_at: "2024-07-22T19:24:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/669e68db4c3a8_download_(9).jpg"
keywords: []
---

# അമീബിക് മസ്തിഷ്‌ക ജ്വരം ഭേദമാക്കിയത്  രാജ്യത്ത് ആദ്യം ; ജര്‍മ്മനിയിൽ നിന്ന് മരുന്നെത്തിച്ചത് നേട്ടമായെന്ന് ചികിത്സക്ക് നേതൃത്വം നൽകിയ  കോഴിക്കോട്ടെ ഡോ. അബ്ദുൾ റൗഫ് 

> **Lead Summary:** ******അമീബിക് മെനിഞ്ചോ എന്‍സെഫലൈറ്റിസ് ബാധിച്ച് ചികിത്സയിലായിരുന്ന 14 വയസുകാരന്‍ ജീവൻ രക്ഷിക്കാനായതിൻ്റെ അഭിമാനത്തിൽ കോഴിക്കോട് ബേബി മെമ്മോറിയൽ ആശുപത്രി.

## Article Content

******അമീബിക് മെനിഞ്ചോ എന്‍സെഫലൈറ്റിസ് ബാധിച്ച് ചികിത്സയിലായിരുന്ന 14 വയസുകാരന്‍ ജീവൻ രക്ഷിക്കാനായതിൻ്റെ അഭിമാനത്തിൽ കോഴിക്കോട് ബേബി മെമ്മോറിയൽ ആശുപത്രി.

രോഗം നേരത്തെ തിരിച്ചറിയാൻ സാധിച്ചതാണ് കുട്ടിയെ രക്ഷിക്കാൻ സഹായിച്ചതെന്ന് ഡോ.അബ്ദുൾ റൗഫ് വാര്‍ത്താ സമ്മേളനത്തിൽ പറഞ്ഞു. നേരത്തെ രോഗം തിരിച്ചറിഞ്ഞതാണ് ഗുണകരമായത്. ജർമനിയിൽ നിന്നുള്ള മരുന്ന് ആരോഗ്യ വകുപ്പ് എത്തിച്ചു നൽകിയെന്നും അത് കുട്ടിക്ക് നൽകിയെന്നും അദ്ദേഹം പറഞ്ഞു.

ലോകത്ത് ഇതുവരെ ഈ രോഗം ബാധിച്ച 8 പേരാണ് രോഗ വിമുക്തി നേടിയതെന്നും രാജ്യത്ത് ആദ്യമായാണ് അമീബിക് മസ്തിഷ്ക ജ്വരം ബാധിച്ച ശേഷം രോഗ വിമുക്തി നേടുന്നതെന്നും അദ്ദേഹം പറഞ്ഞു.

അമീബിക് മെനിഞ്ചോ എന്‍സെഫലൈറ്റിസ് ബാധിച്ച് ചികിത്സയിലായിരുന്ന കോഴിക്കോട് മേലടി സ്വദേശിയായ കുട്ടിക്കാണ് രോഗം ഭേദമായത്. 97% മരണ നിരക്കുള്ള രോഗത്തില്‍ നിന്നാണ് കുട്ടിയെ ജീവിതത്തിലേക്ക് തിരിച്ചെത്തിച്ചത്. ഏകോപനത്തിനും ചികിത്സയ്ക്കും നേതൃത്വം നല്‍കിയ മുഴുവന്‍ ടീമിനേയും ആരോഗ്യ വകുപ്പ് മന്ത്രി വീണാ ജോര്‍ജ് അഭിനന്ദിച്ചു.

### Related Links & Sources
- [Original Story Source](https://thalassery.truevisionnews.com/news/222087/first-in-the-country-to-cure-amoebic-encephalitiskozhikode-drabdul-rauf)