തലശേരിയിൽ സദസ് കലാ സാംസ്കാരികവേദി വീണ്ടും സജീവമാകുന്നു ; ഡിസംബർ 1ന് ബ്രണ്ണൻ ഹയർ സെക്കണ്ടറി സ്കൂളിൽ രാഘവീയം ഗാനാലാപന മത്സരം

തലശ്ശേരി:(www.thalasserynews.in)  തലശ്ശേരിയിലെ സദസ് കലാ-സാംസ്കാരികവേദി വീണ്ടും സജീവമാവുന്നു. ഇതിന്റെ മുന്നോടിയായി ഡിസമ്പർ 1 ന് ബ്രണ്ണൻ ഹയർ സെക്കന്ററി സ്കൂളിൽ രാഘവീയം ഗാനാലാപന മത്സരം സംഘടിപ്പിക്കുന്നതായി ഭാരവാഹികൾ വാർത്താ സമ്മേളനത്തിൽ അറിയിച്ചു.

Also read: കേരള സന്ദർശന വിവാദത്തില്‍ നിയമ നടപടിക്കൊരുങ്ങി അർജന്‍റീന ഫുട്ബോൾ അസോസിയേഷൻ

പത്മശ്രീ കെ. രാഘവൻ മാസ്റ്റർ ഈണമിട്ട ഗാനങ്ങളാണ് സംഗീത ഉപകരണങ്ങൾ ഉപയോഗിക്കാതെ ആലപിക്കേണ്ടത്. 18 വയസിന് താഴെയും മുകളിലുമായി രണ്ട് വിഭാഗക്കാർക്കാണ് മത്സരം. വിജയികൾക്ക് സ്വർണ്ണ മെഡലുകളും സർട്ടിഫിക്കറ്റുകളും സമ്മാനിക്കും. മത്സര പരിപാടികൾ ഡിസമ്പർ1ന് രാവിലെ 10 ന് രാഘവൻ മാസ്റ്റരുടെ ശിഷ്യനും പ്രശസ്ത പിന്നണി ഗായകനുമായ വി.ടി.മുരളി ഉത്ഘാടനം ചെയ്യും.

അന്നേ ദിവസം വൈകിട്ട് 4 ന് നടത്തുന്ന സമാപന സമ്മേളനം പിന്നണി ഗായകൻ കാഞ്ഞങ്ങാട് രാമചന്ദ്രൻ ഉത്ഘാടനം ചെയ്യും. മത്സര വിജയികൾക്ക് അദ്ദേഹം സമ്മാനങ്ങൾ വിതരണം ചെയ്യും. രാഘവൻ മാസ്റ്റർ ഈണങ്ങളുടെ രാജശിൽപി എന്ന പുസ്തത്തിന്റെ രചയിതാവ് മുകുന്ദൻ മഠത്തിലിനെ ചടങ്ങിൽ ആദരിക്കും.

Also read: ഡി​ഗ്ലൂട്ടോളജി വിഭാഗം; ഭക്ഷണം കഴിക്കാൻ സാധിക്കുന്നില്ലേ? എങ്കിൽ വടകര പാർകോയിൽ വരൂ

രാഘവൻ മാസ്റ്റരുടെ ജന്മദിനമായ ഡിസ.2 ന് തലശ്ശേരി സെന്റിനറി പാർക്കിനടുത്ത സ്മൃതി മണ്ഡപത്തിൽ സദസ് ഭാരവാഹികൾ പുഷ്പാർച്ചനയും നടത്തും. കൂടുതൽ വിവരങ്ങൾ 8089141212, 9447045649, നമ്പരുകളിൽ ലഭിക്കും. സി.എൻ. മുരളി, മമ്പറം ദിവാകരൻ,പി.പി.സുധേഷ്, കെ.പി. മുരളീധരൻ എന്നിവർ വാർത്താ സമ്മേളനത്തിൽ സംബന്ധിച്ചു.

Sadas Kala Samsamkrishna Vedi is back in action in Thalassery; Raghaveeyam singing competition to be held at Brennan Higher Secondary School on December 1st