---
title: "ചെറുപ്രായത്തിൽ തന്നെ വിദ്യാർത്ഥികളിൽ സമ്പാദ്യ ശീലം വളർത്താൻ  'സ്റ്റുഡൻ്റ്സ് സമ്പാദ്യ പദ്ധതി'യുമായി തലശേരി ബിഇഎംപി സ്കൂൾ"
english_title: "Thalassery BEMP School with 'Student Savings Scheme' to inculcate saving habits in students at an early age"
publisher: "thalasserynews.in"
canonical_url: "https://thalassery.truevisionnews.com/news/227086/thalassery-bemp-school-with-student-savings-scheme-to-inculcate-saving-habits-in-students-at-an-early-age"
published_at: "2024-08-10T11:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66b6ff53df85b_Untitled-4_copy.jpg"
keywords: []
---

# ചെറുപ്രായത്തിൽ തന്നെ വിദ്യാർത്ഥികളിൽ സമ്പാദ്യ ശീലം വളർത്താൻ  'സ്റ്റുഡൻ്റ്സ് സമ്പാദ്യ പദ്ധതി'യുമായി തലശേരി ബിഇഎംപി സ്കൂൾ

> **Lead Summary:** ***തലശേരി:*** ചെറുപ്രായത്തിൽ തന്നെ വിദ്യാർത്ഥികളിൽ സമ്പാദ്യശീലം പ്രോൽസാഹിപ്പിക്കുന്നതിൻ്റെ ഭാഗമായി വിദ്യയോടൊപ്പം സമ്പാദ്യവും എന്ന സന്ദേശവുമായി പൊതു വിദ്യാഭ്യാസ വകുപ്പിൻ്റെ നേതൃത്വത്തിൽ നടപ്പിലാക്കുന്ന സ്റ്റുഡൻ്റ്സ് സേവിംഗ് സ്കീം തലശ്ശേരി ബി ഇ എം പി സ്കൂളിൽ ആരംഭിച്ചു.

## Article Content

***തലശേരി:*** ചെറുപ്രായത്തിൽ തന്നെ വിദ്യാർത്ഥികളിൽ സമ്പാദ്യശീലം പ്രോൽസാഹിപ്പിക്കുന്നതിൻ്റെ ഭാഗമായി വിദ്യയോടൊപ്പം സമ്പാദ്യവും എന്ന സന്ദേശവുമായി പൊതു വിദ്യാഭ്യാസ വകുപ്പിൻ്റെ നേതൃത്വത്തിൽ നടപ്പിലാക്കുന്ന സ്റ്റുഡൻ്റ്സ് സേവിംഗ് സ്കീം തലശ്ശേരി ബി ഇ എം പി സ്കൂളിൽ ആരംഭിച്ചു.

പൂർവ്വ വിദ്യാർത്ഥിയും മാധ്യമ പ്രവർത്തകനുമായ പി എം അഷ്റഫ് സ്കീമിൻ്റെ പാസ്ബുക്ക് വിദ്യാർത്ഥികൾക്ക് നൽകി ഉദ്ഘാടനം ചെയ്തു. സ്കൂൾ പ്രധാനാധ്യാപിക ദീപ ലില്ലി സ്റ്റാൻലി, ഉപ പ്രധാനധ്യാപികയും, സ്കീം ഇൻ ചാർജറുമായ പ്രസീന തയ്യിൽ, എ കെ രതീഷ് മാസ്റ്റർ തുടങ്ങിയവർ സംസാരിച്ചു.

മാസത്തിലെ എല്ലാ വെള്ളിയാഴ്ചകളിലും വിദ്യാർത്ഥികളാൽ കഴിയുന്ന തുക സ്കീമിൽ നിക്ഷേപിക്കുന്ന പദ്ധതിയാണിത്. പത്താം ക്ലാസ് പഠിത്തം പൂർത്തിയാക്കി സ്കൂൾ വിട്ടിറങ്ങുമ്പോൾ നിക്ഷേപിച്ച തുക പലിശ ഉൾപ്പെടെ തിരിച്ചു നൽകുന്ന സമ്പാദ്യ പദ്ധതിയാണ് സ്റ്റുഡൻറ്സ് സേവിംഗ് സ്കീം.

### Related Links & Sources
- [Original Story Source](https://thalassery.truevisionnews.com/news/227086/thalassery-bemp-school-with-student-savings-scheme-to-inculcate-saving-habits-in-students-at-an-early-age)