---
title: "മുകേഷ്, ജയസൂര്യ ഉൾപ്പടെയുള്ള നടന്മാർക്ക് ആശ്വാസം,  പീഡ‍ന പരാതി പിൻവലിക്കുന്നെന്ന് നടി ; സ‍ർക്കാർ പിന്തുണച്ചില്ലെന്ന് വിമർശനം "
english_title: "Relief for actors including Mukesh and Jayasurya, actress withdraws harassment complaint; criticism that government did not support her"
publisher: "thalasserynews.in"
canonical_url: "https://thalassery.truevisionnews.com/news/250972/relief-for-actors-including-mukesh-and-jayasurya-actress-withdraws-harassment-complaint-criticism-that-government-did-not-support-her"
published_at: "2024-11-22T10:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/674013ec04ad3_Untitled-3_copy.jpg"
keywords: []
---

# മുകേഷ്, ജയസൂര്യ ഉൾപ്പടെയുള്ള നടന്മാർക്ക് ആശ്വാസം,  പീഡ‍ന പരാതി പിൻവലിക്കുന്നെന്ന് നടി ; സ‍ർക്കാർ പിന്തുണച്ചില്ലെന്ന് വിമർശനം 

> **Lead Summary:** ****നടന്മാർക്കെതിരെ ഉന്നയിച്ച പരാതികളിൽ നിന്ന് പിൻമാറുന്നുവെന്ന് നടി. മുകേഷ് അടക്കം നടൻമാർക്കെതിരായ പരാതികൾ പിൻവലിക്കുകയാണെന്ന് പരാതിക്കാരിയായ നടി പറഞ്ഞു.

## Article Content

****നടന്മാർക്കെതിരെ ഉന്നയിച്ച പരാതികളിൽ നിന്ന് പിൻമാറുന്നുവെന്ന് നടി. മുകേഷ് അടക്കം നടൻമാർക്കെതിരായ പരാതികൾ പിൻവലിക്കുകയാണെന്ന് പരാതിക്കാരിയായ നടി പറഞ്ഞു.

കേസുകൾ പിൻവലിക്കണമെന്ന് ആവശ്യപ്പെട്ട് പ്രത്യേക അന്വേഷണ സംഘത്തിന് ഉടൻ ഇമെയിൽ അയക്കുമെന്നും നടി പറഞ്ഞു.

തനിക്ക് സർക്കാരിൽ നിന്നും പിന്തുണ കിട്ടിയില്ലെന്നും തനിക്കെതിരെ ചുമത്തിയ പോക്സോ കേസിൻ്റെ സത്യാവസ്ഥ തെളിയിക്കാൻ സർക്കാർ തയാറായില്ലെന്നും ഇവ‍ർ ആരോപിക്കുന്നു.

മാധ്യമങ്ങളിൽ നിന്നുപോലും പിന്തുണ കിട്ടാത്തതിനാലാണ് പരാതികൾ പിൻവലിക്കാൻ തീരുമാനിച്ചതെന്നും നടി പറഞ്ഞു.

നടന്മാരായ എം മുകേഷ് എംഎൽഎ, മണിയൻപിള്ള രാജു, ഇടവേള ബാബു, ജയസൂര്യ എന്നിവ‍ർക്കെതിരെയാണ് നടി ആരോപണവുമായി രംഗത്ത് വന്നത്. ഹേമ കമ്മിറ്റി റിപ്പോർട്ട് പുറത്തുവന്നതിന് പിന്നാലെയായിരുന്നു നടിയുടെ വെളിപ്പെടുത്തൽ. സംസ്ഥാനത്ത് വൻ വിവാദമായി മാറിയ സംഭവത്തിലാണ് നടിയുടെ പിന്മാറ്റം.

### Related Links & Sources
- [Original Story Source](https://thalassery.truevisionnews.com/news/250972/relief-for-actors-including-mukesh-and-jayasurya-actress-withdraws-harassment-complaint-criticism-that-government-did-not-support-her)