തലശേരി:(www.thalasserynews.in) തലശേരി ടിസി മുക്കിലാണ് കുടിവെള്ള വിതരണ പൈപ്പ് പൊട്ടിയത്. ഇതോടെ കടകൾക്കുള്ളിലും ഉറവ രൂപപ്പെട്ടു. കടകൾക്കുള്ളിൽ നിന്നും വെള്ളം പുറത്തേക്കൊഴുകുകയാണ്.
അപകടാവസ്ഥയിലായതിനെ തുടർന്ന് 2 കടകൾ പൂട്ടി. സുബൈറിൻ്റെ ടിൻ മേക്കർ, രഞ്ജിത്തിൻ്റെ ടി.കെ ബാറ്ററീസ്, അജിത്തിൻ്റെ എസ്.ജി ഡീസൽ എന്നീ കടകളിലാണ് വെള്ളമെത്തിയത്.
സുബൈറിൻ്റെയും, രഞ്ജിത്തിൻ്റെയും കടകൾ അടച്ചിട്ടിരിക്കുകയാണ്. അജിത്തിൻ്റെ കടയിൽ നിന്നും വെള്ളം കോരി ഒഴിവാക്കുകയായിരുന്നു. കടകൾ അപകടാവസ്ഥയിലാണെന്നും, ശാശ്വത പരിഹാരം വേണമെന്നും വ്യാപാരികൾ ആവശ്യപ്പെട്ടു. ടിസി മുക്കിൽ സ്ഥിരമായി പലയിടത്തായി പൈപ്പ് പൊട്ടുന്നത് സ്ഥിരം കാഴ്ചയാണിത്.
റെയിൽവേ സ്റ്റേഷനിലേക്കും, സി പി എം ഓഫീസിലേക്കുമുള്ള എളുപ്പവഴി കൂടിയാണിത്. അതു കൊണ്ടു തന്നെ നിരവധി വാഹനങ്ങളും, യാത്രക്കാരും ഈ വഴിയെ ആശ്രയിക്കുന്നുണ്ട്.
In Thalassery, drinking water supply pipe burst, shops in danger; Without looking back, the water authority and the traders closed the shops
.jpg)
