ആഗോള തൊഴിൽ മേളയുമായി കണ്ണൂർ കോർപ്പറേഷൻ ; എസ്.എസ്.എൽ.സി മുതൽ രജിസ്റ്റർ ചെയ്യാം

Oct 12, 2024 02:57 PM | By Rajina Sandeep

(www.thalasserynews.in) ഡിസംബർ അവസാന വാരം രണ്ട് ദിവസങ്ങളിലായി കണ്ണൂർ കോർപ്പറേഷൻ ആഗോള തൊഴിൽ മേള സംഘടിപ്പിക്കും. ഇന്ത്യയിലെയും വിദേശത്തെയും നൂറോളം ഉദ്യോഗദായകർ മേളയിൽ പങ്കെടുക്കും. എസ്.എസ്.എൽ.സി., പ്ലസ് ടു, ഐ ടി ഐ, ഡിപ്ലോമ, ഡിഗ്രി, പി ജി, എൻജിനീയറിങ്, നഴ്‌സിങ് എന്നീ പ്രൊഫഷണൽ തൊഴിൽ അവസരങ്ങളും ഒരുക്കും.

Also read: ജില്ലാ സ്കൂൾ കലോത്സവത്തിൽ തലശേരി സ്വദേശിനി ആയിഷ സെബക്ക് മിന്നും വിജയം

kannurglobaljobfair.com എന്ന വെബ്‌സൈറ്റിലൂടെ പങ്കെടുക്കാൻ ആഗ്രഹിക്കുന്നവർക്ക് രജിസ്റ്റർ ചെയ്യാം. തൊഴിലധിഷ്ഠിത എക്‌സ്‌പോ, എജുക്കേഷൻ & കരിയർ ഫെസ്റ്റ്, ആഗോള തൊഴിൽ വിപണിയെ പരിചയപ്പെടുത്തുന്ന സ്റ്റാളുകൾ,

അവതരണങ്ങൾ, കോർപ്പറേറ്റ് മേഖലയിലെ പ്രമുഖരുമായി മുഖാമുഖം, വിദേശങ്ങളിൽ തൊഴിലിനൊപ്പം ഉപരിപഠനവും ആഗ്രഹിക്കുന്നവർക്കുള്ള മാർഗ നിർദേശങ്ങൾ തുടങ്ങിയ നിരവധി സെഷനുകളും ഇതിന്റെ ഭാഗമായി നടക്കും.

Kannur Corporation with Global Job Fair; You can register from SSLC