---
title: "കുളത്തിൽ വീണ് മുങ്ങിത്താഴ്ന്ന കുട്ടിയെ രക്ഷിച്ച എട്ടാം ക്ലാസ് വിദ്യാർത്ഥിയെ തളിപ്പറമ്പ അഗ്നി രക്ഷാസേന അഭിനന്ദിച്ചു"
english_title: "Taliparamba Fire and Rescue Department congratulates 8th grade student for saving child who fell into pond and drowned"
publisher: "thalasserynews.in"
canonical_url: "https://thalassery.truevisionnews.com/news/269208/taliparamba-fire-and-rescue-department-congratulates-8th-grade-student-for-saving-child-who-fell-into-pond-and-drowned"
published_at: "2025-02-10T12:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67a9a5308cc4d_67a9a2b8b0f06_news-card.jpg"
keywords: []
---

# കുളത്തിൽ വീണ് മുങ്ങിത്താഴ്ന്ന കുട്ടിയെ രക്ഷിച്ച എട്ടാം ക്ലാസ് വിദ്യാർത്ഥിയെ തളിപ്പറമ്പ അഗ്നി രക്ഷാസേന അഭിനന്ദിച്ചു

> **Lead Summary:** തളിപ്പറമ്പ :നീന്തൽ കുളത്തിൽ വീണ് മുങ്ങിത്താഴ്ന്ന കുട്ടിയെ രക്ഷിച്ച തളിപ്പറമ്പ, പുഷ്പഗിരി സെന്റ് ജോസഫ് ഹൈസ്കൂളിലെ എട്ടാം ക്ലാസ് വിദ്യാർത്ഥിയെ തളിപ്പറമ്പ അഗ്നി രക്ഷാസേന അഭിനന്ദിച്ചു. കരുവഞ്ചാലിൽ നീന്തൽ കുളത്തിൽ വീണ ഇതേ സ്കൂളിലെ LKG വിദ്യാർത്ഥി ശിവദത്തിനെയാണ് എട്ടാം ക്ലാസുകാരനും സ്കൗട്ട് & ഗൈഡിലെ അംഗവും കൂവേരി കൊട്ടക്കാനം കെ വി സജിത്ത് , ജിതു പ്രിയ ദമ്പതികളുടെ മകനുമായ കാർത്തിക്ക് രക്ഷിച്ചത്.

## Article Content

തളിപ്പറമ്പ :നീന്തൽ കുളത്തിൽ വീണ് മുങ്ങിത്താഴ്ന്ന കുട്ടിയെ രക്ഷിച്ച തളിപ്പറമ്പ, പുഷ്പഗിരി സെന്റ് ജോസഫ് ഹൈസ്കൂളിലെ എട്ടാം ക്ലാസ് വിദ്യാർത്ഥിയെ തളിപ്പറമ്പ അഗ്നി രക്ഷാസേന അഭിനന്ദിച്ചു. കരുവഞ്ചാലിൽ നീന്തൽ കുളത്തിൽ വീണ ഇതേ സ്കൂളിലെ LKG വിദ്യാർത്ഥി ശിവദത്തിനെയാണ് എട്ടാം ക്ലാസുകാരനും സ്കൗട്ട് & ഗൈഡിലെ അംഗവും കൂവേരി കൊട്ടക്കാനം കെ വി സജിത്ത് , ജിതു പ്രിയ ദമ്പതികളുടെ മകനുമായ കാർത്തിക്ക് രക്ഷിച്ചത്.

സ്റ്റേഷൻ ഓഫീസർ പ്രേമരാജൻ കക്കാടിയുടെ നേതൃത്വത്തിൽ അസി. സ്റ്റേഷൻ ഓഫീസർ ജയരാജൻ പി.കെ, ഫയർ & റെസ്ക്യു ഓഫീസർമാരായ രജീഷ് കുമാർ, കിരൺ ഹോം ഗാർഡ് അനൂപ് എന്നിവർ സ്കൂളിലെത്തി അഭിനന്ദിക്കുകയും സ്റ്റേഷൻ്റെ ഉപഹാരം നൽകുകയും ചെയ്തു.കാർത്തിക് സംഭവം വിശദീകരിച്ച് സംസാരിച്ചു. സ്കൂൾ ഹെഡ്മിസ്ട്രസ് സിസ്റ്റർ മറിയ ടോം സ്വാഗതവും സിസ്റ്റർ നവ്യ റോസ് നന്ദിയും പറഞ്ഞു.

### Related Links & Sources
- [Original Story Source](https://thalassery.truevisionnews.com/news/269208/taliparamba-fire-and-rescue-department-congratulates-8th-grade-student-for-saving-child-who-fell-into-pond-and-drowned)