പേരാമ്പ്ര - വടകര റൂട്ടിലോടുന്ന നോവ ബസിൽ വളയം പിടിക്കുന്നത് വളയിട്ട കൈകൾ ; ബസിന്റെ ഡ്രൈവിംഗ് സീറ്റിൽ മേപ്പയ്യൂരിലെ 24 കാരി അനുഗ്രഹ

വടകര:  സാഹസികതയേറെ ഇഷ്ടപ്പെടുന്ന അനുഗ്രഹയ്ക്ക് ഡ്രൈവിങ് ചെറുപ്പം മുതലേയുള്ള ഇഷ്ടമായിരുന്നു. കഴിഞ്ഞയാഴ്ച ഹെവി ലൈസൻസും കൈയിൽ കിട്ടി. ബസ് ഓടിക്കുകയെന്ന ഏറെക്കാലമായുള്ള ഒരാഗ്രഹവും കഴിഞ്ഞ ദിവസം സഫലീകരിച്ചു. തന്റെ കൈകളിൽ വളയം ഭദ്രമാണെന്ന് ഈ ഇരുപത്തിനാലുകാരി തെളിയിച്ചിരിക്കുകയാണ്. പേരാമ്പ്ര-വടകര റൂട്ടിലെ നോവ ബസിലാണ് ഏവരുടെയും ശ്രദ്ധയാകർഷിച്ച് ഡ്രൈവിങ് സീറ്റിൽ അനുഗ്രഹ ഇരുന്നത്.

Also read: അരവിന്ദ് കെജ്രിവാൾ രാജിവെച്ചു ; സർക്കാരുണ്ടാക്കാൻ ലഫ്റ്റനൻ്റ് ഗവർണറോട് അവകാശ വാദം ഉന്നയിച്ച് അതിഷി മർലേന

വിദേശത്ത്‌ ജോലി ലഭിക്കാൻ ശ്രമിക്കുകയാണ് അനുഗ്രഹ. അതുവരെ ഡ്രൈവിങ്ങ് തുടരാനാണ് തീരുമാനം. മേപ്പയ്യൂർ എടത്തിൽ മുക്ക് മുരളീധരൻ ‍(മാച്ചു)-ചന്ദ്രിക ദമ്പതിമാരുടെ മകളാണ് ലോജിസ്റ്റിക്കിൽ മാസ്റ്റർ ബിരുദധാരിയായ അനുഗ്രഹ. പ്ലസ് ടുവിന് പഠിക്കുമ്പോൾ ഹിമാചൽപ്രദേശിൽ അഡ്വഞ്ചറസ് ക്യാമ്പിൽ പങ്കെടുത്തത് വലിയ കരുത്ത് പകർന്നിരുന്നു

Banded hands holding ring on Nova bus on Perampra-Vadakara route;24-year-old Anugara from Mepayyur in the driving seat of the bus