---
title: "'വിരട്ടലും വിലപേശലും ഇങ്ങോട്ട് വേണ്ട, ഇത് പാർട്ടി വേറെയാണ്', അൻവറിന്റെ വീടിന് മുന്നിൽ ഫ്ലക്സ് സ്ഥാപിച്ച് സിപിഎം"
english_title: "'Chasing and bargaining do not come here, this is a different party', CPM placed flux in front of Anwar's house"
publisher: "thalasserynews.in"
canonical_url: "https://thalassery.truevisionnews.com/news/238451/chasing-and-bargaining-do-not-come-here-this-is-a-different-party-cpm-placed-flux-in-front-of-anwars-house"
published_at: "2024-09-27T14:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66f672a2737f2_66f669237233a_malappuram.jpg"
keywords: []
---

# 'വിരട്ടലും വിലപേശലും ഇങ്ങോട്ട് വേണ്ട, ഇത് പാർട്ടി വേറെയാണ്', അൻവറിന്റെ വീടിന് മുന്നിൽ ഫ്ലക്സ് സ്ഥാപിച്ച് സിപിഎം

> **Lead Summary:** മുഖ്യമന്ത്രിക്കെതിരായ പിവി അൻവർ എംഎൽഎയുടെ വാർത്തസമ്മേളനത്തിന് പിന്നാലെ അൻവറിന്റെ വീടിന് മുന്നിൽ ഫ്ലക്സ് സ്ഥാപിച്ച് സിപിഎം ബ്രാഞ്ച് കമ്മിറ്റി.

## Article Content

മുഖ്യമന്ത്രിക്കെതിരായ പിവി അൻവർ എംഎൽഎയുടെ വാർത്തസമ്മേളനത്തിന് പിന്നാലെ അൻവറിന്റെ വീടിന് മുന്നിൽ ഫ്ലക്സ് സ്ഥാപിച്ച് സിപിഎം ബ്രാഞ്ച് കമ്മിറ്റി.

മുഖ്യമന്ത്രി പിണറായി വിജയന്റെയും പാർട്ടി സെക്രട്ടറി എംവി ​ഗോവിന്ദന്റെയും ചിത്രമുള്ള വിരട്ടലും വിലപേശലും ഇങ്ങോട്ട് വേണ്ട, ഇത് പാർട്ടി വേറെയാണെന്ന് രേഖപ്പെടുത്തിയിരിക്കുന്ന ഫ്ലക്സ് ബോർഡാണ് സിപിഎം ഒതായി ബ്രാഞ്ച് കമ്മിറ്റി സ്ഥാപിച്ചത്. മുഖ്യമന്ത്രി പിണറായി വിജയനും പൊളിറ്റിക്കൽ സെക്രട്ടറി പി. ശശിക്കുമെതിരേ കടുത്ത വിമർശനമായിരുന്നു വാർത്തസമ്മേളത്തിൽ എംഎൽഎ ഉന്നയിച്ചത്.

പി. ശശിയെ കാട്ടുകള്ളൻ എന്ന് അഭിസംബോധന ചെയ്ത അൻവർ ശശിതന്നെയാണ് മുഖ്യമന്ത്രിയെ വികൃതമാക്കി മാറ്റുന്നതെന്നും ആരോപിച്ചു. കേരളത്തിൽ ജ്വലിച്ചുനിന്നിരുന്ന സൂര്യനായിരുന്നു മുഖ്യന്ത്രിയെന്നും അത് കെട്ടുപോയെന്നും അൻവർ പറഞ്ഞു.

### Related Links & Sources
- [Original Story Source](https://thalassery.truevisionnews.com/news/238451/chasing-and-bargaining-do-not-come-here-this-is-a-different-party-cpm-placed-flux-in-front-of-anwars-house)