---
title: "പെരിയ ഇരട്ടക്കൊലക്കേസ്‌ ; മുൻ എംഎൽഎ അടക്കമുള്ള  14 പ്രതികളുടെ ശിക്ഷ വിധി നാളെ."
english_title: "Periya double murder case; Sentencing of 14 accused including former MLA tomorrow."
publisher: "thalasserynews.in"
canonical_url: "https://thalassery.truevisionnews.com/news/260507/periya-double-murder-case-sentencing-of-14-accused-including-former-mla-tomorrow"
published_at: "2025-01-02T08:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6776001ca3d80_Untitled-1_copy.jpg"
keywords: []
---

# പെരിയ ഇരട്ടക്കൊലക്കേസ്‌ ; മുൻ എംഎൽഎ അടക്കമുള്ള  14 പ്രതികളുടെ ശിക്ഷ വിധി നാളെ.

> **Lead Summary:** പെരിയ ഇരട്ടക്കൊലക്കേസ്‌ ; മുൻ എംഎൽഎ അടക്കമുള്ള 14 പ്രതികളുടെ ശിക്ഷ വിധി നാളെ.

## Article Content

പെരിയ ഇരട്ടക്കൊലക്കേസ്‌ ; മുൻ എംഎൽഎ അടക്കമുള്ള 14 പ്രതികളുടെ ശിക്ഷ വിധി നാളെ.

കൊച്ചിയിലെ പ്രത്യേക സിബിഐ കോടതിയാണ് വിധി പറയുന്നത്.

വധശിക്ഷ വരെ കിട്ടാവുന്ന കുറ്റങ്ങളാണ് പ്രതികൾക്കുമേൽ ചുമത്തിയിരിക്കുന്നത്.

സിപിഎം നേതാവും ഉദുമ മുൻ എം എൽ എയുമായ കെ വി കുഞ്ഞിരാമൻ, ഉദുമ സി പി എം മുൻ ഏരിയ സെക്രട്ടറി കെ മണികണ്‌ഠൻ ഉൾപ്പടെ 14 പ്രതികൾ കുറ്റക്കാരെന്ന് കോടതി കഴിഞ്ഞ ദിവസം കണ്ടെത്തിയിരുന്നു. ഒന്ന് മുതൽ 8 വരെ പ്രതികൾക്കെതിരെ കൊലക്കുറ്റം തെളിഞ്ഞു.

10 പ്രതികളെ കുറ്റവിമുക്തരാക്കി. 20 മാസത്തോളം നീണ്ട വിചാരണ നടപടികൾക്ക് ശേഷമാണ് സിബിഐ കോടതി വിധി പറഞ്ഞത്. ഒന്നാം പ്രതി എ പീതാംബരൻ ഉൾപ്പടെ 10 പ്രതികൾക്കെതിരെയാണ്

കൊലപാതകം, ഗൂഢാലോചന, നിയമവിരുദ്ധമായി സംഘം ചേരൽ, കലാപം സൃഷ്ടിക്കൽ, തടഞ്ഞുവയ്ക്കൽ എന്നീ കുറ്റങ്ങൾ കണ്ടെത്തിയത്.

ജീവപര്യന്തം മുതൽ വധശിക്ഷ വരെ ലഭിക്കാവുന്ന കുറ്റങ്ങളാണിത്.

2019 ഫെബ്രുവരി 17 നാണ് യൂത്ത് കോൺഗ്രസ് പ്രവർത്തകരായ ശരത് ലാലിനെയും കൃപേഷിനെയും രാഷ്ട്രീയ വൈരാഗ്യംമൂലം വെട്ടിക്കൊലപ്പെടുത്തിയത്

### Related Links & Sources
- [Original Story Source](https://thalassery.truevisionnews.com/news/260507/periya-double-murder-case-sentencing-of-14-accused-including-former-mla-tomorrow)