---
title: "പെരുന്നാൾ സന്തോഷത്തിനിടെ തലശേരിയിലേക്ക് ദുരന്ത വാർത്തയും ; സൗദി-ഒമാൻ അതിർത്തിയിൽ വാഹനാപകടത്തിൽ മലയാളി ഉംറ സംഘത്തിലെ കുട്ടികളടക്കം മൂന്ന്​ പേര്‍ മരിച്ചു "
english_title: "Tragic news hits Thalassery during Eid celebrations; Three people, including children from a Malayali Umrah group, die in a car accident on the Saudi-Oman border"
publisher: "thalasserynews.in"
canonical_url: "https://thalassery.truevisionnews.com/news/280243/tragic-news-hits-thalassery-during-eid-celebrations-three-people-including-children-from-a-malayali-umrah-group-die-in-a-car-accident-on-the-saudi-oman-border"
published_at: "2025-03-31T11:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67ea311f1a50a_Untitled-1_copy.jpg"
keywords: []
---

# പെരുന്നാൾ സന്തോഷത്തിനിടെ തലശേരിയിലേക്ക് ദുരന്ത വാർത്തയും ; സൗദി-ഒമാൻ അതിർത്തിയിൽ വാഹനാപകടത്തിൽ മലയാളി ഉംറ സംഘത്തിലെ കുട്ടികളടക്കം മൂന്ന്​ പേര്‍ മരിച്ചു 

> **Lead Summary:** ഒമാനില്‍ നിന്ന് ഉംറ തീർഥാടനത്തിന്​​ പുറപ്പെട്ട മലയാളി കുടുംബങ്ങൾ സഞ്ചരിച്ച വാഹനം സൗദി അതിർത്തിയിൽ അപകടത്തിൽപ്പെട്ട് കുട്ടികളടക്കം​ മൂന്ന്​ മരണം. രിസാല സ്​റ്റഡി സര്‍ക്കിള്‍ (അര്‍.എസ്.സി) ഒമാന്‍ നാഷനല്‍ സെക്രട്ടറിമാരായ കോഴിക്കോട്​ കാപ്പാട്​ സ്വദേശി ശിഹാബ് കാപ്പാട്, തലശേരിക്കടുത്ത് മമ്പറം സ്വദേശി മിസ്അബ് കൂത്തുപറമ്പ് എന്നിവരും​ കുടുംബാംഗങ്ങ​ളുമാണ്​ ഒമാൻ-സൗദി അതിർത്തിയായ ബത്​ഹയില്‍ ഞായറാഴ്ച രാവിലെ അപകടത്തില്‍ പെട്ടത്.

## Article Content

ഒമാനില്‍ നിന്ന് ഉംറ തീർഥാടനത്തിന്​​ പുറപ്പെട്ട മലയാളി കുടുംബങ്ങൾ സഞ്ചരിച്ച വാഹനം സൗദി അതിർത്തിയിൽ അപകടത്തിൽപ്പെട്ട് കുട്ടികളടക്കം​ മൂന്ന്​ മരണം. രിസാല സ്​റ്റഡി സര്‍ക്കിള്‍ (അര്‍.എസ്.സി) ഒമാന്‍ നാഷനല്‍ സെക്രട്ടറിമാരായ കോഴിക്കോട്​ കാപ്പാട്​ സ്വദേശി ശിഹാബ് കാപ്പാട്, തലശേരിക്കടുത്ത് മമ്പറം സ്വദേശി മിസ്അബ് കൂത്തുപറമ്പ് എന്നിവരും​ കുടുംബാംഗങ്ങ​ളുമാണ്​ ഒമാൻ-സൗദി അതിർത്തിയായ ബത്​ഹയില്‍ ഞായറാഴ്ച രാവിലെ അപകടത്തില്‍ പെട്ടത്.

ശിഹാബി​ന്‍റെ ഭാര്യ സഹ്​ല (30), മകള്‍ ആലിയ (7), മിസ്അബി​ന്‍റെ മകന്‍ ദഖ് വാന്‍ (6) എന്നിവരാണ് മരിച്ചത്. കുട്ടികൾ അപകടസ്ഥലത്തും സഹ്​ല ആശുപത്രിയിലുമാണ് മരിച്ചത്. മിസ്അബിന്‍റെ ഭാര്യ ഹഫീനയും മറ്റു മക്കളും സൗദി കിഴക്കൻ പ്രവിശ്യയിലെ ഹുഫൂഫ് കിങ്​ ഫഹദ് ആശുപത്രിയിൽ ചികിത്സയിലാണ്. മിസ്​അബും ശിഹാബും നിസാര പരിക്കുകളോടെ രക്ഷപ്പെട്ടു.

വെള്ളിയാഴ്​ച വൈകീട്ട്​ നോമ്പ്​ തുറന്നശേഷം മസ്ക്കറ്റിൽനിന്ന്​ പുറപ്പെട്ട കുടുംബങ്ങൾ വഴിമധ്യേ ഇബ്രി എന്ന സ്ഥലത്ത്​ തങ്ങി വിശ്രമിച്ചു. ശനിയാഴ്​ച വൈകീട്ട്​ നോമ്പ്​ തുറന്നശേഷം സൗദിയിലേക്ക്​ യാത്ര തുടർന്നു. ബത്​ഹ അതിർത്തിയിലെത്തിയ ഞായറാഴ്​ച രാവിലെ 8.30ഓടെയാണ് അപകടമുണ്ടാവുന്നത്​. കഴിഞ്ഞ മെയ് മാസത്തിലാണ് മിസ്ഹബും കുടുംബവും അവസാനമായി നാട്ടിലെത്തിയത്.മൃതദേഹം നാട്ടിലെത്തിക്കുന്നത് സംബന്ധിച്ച് സ്ഥിരീകരണമായിട്ടില്ല. ദക് വാൻ്റെ മാതാവ് ഹഫീനക്ക് അപകടത്തിൽ പരിക്കേറ്റിട്ടുണ്ട്.

### Related Links & Sources
- [Original Story Source](https://thalassery.truevisionnews.com/news/280243/tragic-news-hits-thalassery-during-eid-celebrations-three-people-including-children-from-a-malayali-umrah-group-die-in-a-car-accident-on-the-saudi-oman-border)