തലശേരി:(www.thalasserynews.in)ചാണ്ടി ഉമ്മൻ എം എൽ എ, സി ഒ ടി നസീറിന്റെ മാതാവ് ആമിന ബീവിയെ കായത്ത് റോഡിലെ വസതിയിൽ സന്ദർശിച്ചു. അദ്ദേഹം തിരഞ്ഞെടുപ്പിൽ മത്സരിക്കുമ്പോൾ കെട്ടിവെക്കാനുള്ള പണം നൽകിയത് ആ മിന ബീവിയായിരുന്നു.ഇവിടം സന്ദർശിക്കാൻ സാധിച്ചതിൽ അതിയായ സന്തോഷമുണ്ടെന്ന് ചാണ്ടി ഉമ്മൻ പറഞ്ഞു.
ഉമ്മൻ ചാണ്ടിയെ കണ്ണൂരിൽ കല്ലെറിഞ്ഞ കേസിലെ പ്രതിയായിരുന്നു സി ഒ ടി നസീർ. അദ്ദേഹത്തിന്റെ മാതാവിനോടും, മറ്റ് കുടുംബാംഗങ്ങളോടും ആശയ വിനിമയം നടത്തിയ ശേഷം വസതിയിൽ നിന്ന് മടങ്ങവെ നിമിഷ പ്രിയയുടെ വിഷയത്തിൽ അദ്ദേഹം പ്രതികരിച്ചു.
നിമിഷ പ്രിയയുടെ മോചനമാണ് നമ്മൾ ഈ നിമിഷത്തിൽ ആഗ്രഹിക്കുന്നത്. വധശിക്ഷ റദ്ദുചെയ്യാൻ കേന്ദ്ര സംസ്ഥാന സർക്കാറുകൾക്ക് പരിമിധിയുണ്ടെങ്കിലും അവർ കഴിവിന്റെ പരമാവധി ശ്രമിക്കുന്നുണ്ട്. നല്ലൊരു വാർത്തയ്ക്ക് വേണ്ടിയാണ് നാം കാത്തിരിക്കുന്നതെന്നും അദ്ദേഹം മാധ്യമങ്ങളോട് പ്രതികരിച്ചു
Content Highlight: Chandy Oommen MLA visits Amina Beevi, mother of COT Nazir from Thalassery, who gave him money to deposit in the elections
