''ഹരിശ്രീ ഗണപതയെ നമഃ" ; തലശേരിയിൽ കുരുന്നുകൾക്ക് ആദ്യാക്ഷര മാധുര്യം പകർന്നേകി സ്പീക്കർ അഡ്വ.എ.എൻ ഷംസീർ

തലശേരി:(www.thalasserynews.in)  വിജയദശമി ദിനത്തിൽ കുരുന്നുകൾക്ക് ആദ്യാക്ഷരം പകർന്നുനല്‍കി നിയമസഭ സ്പീക്കർ അഡ്വ. എ എൻ ഷംസീർ. തലശ്ശേരി ഇല്ലിക്കൽകുന്നിലെ ഹെർമൻ ഗുണ്ടർട്ട് ബംഗ്ലാവിലാണ് സ്പീക്കർ കുരുന്നുകളെ എഴുത്തിനിരിത്തിയത്.

Also read: ജില്ലാ സ്കൂൾ കലോത്സവത്തിൽ തലശേരി സ്വദേശിനി ആയിഷ സെബക്ക് മിന്നും വിജയം

‘ഹരിശ്രീ ഗണപതയെ നമഃ’ എന്ന് പറഞ്ഞ് സ്പീക്കർ അഡ്വ എ എൻ ഷംസീർ കുരുന്നുകളെ അരിമണികളിൽ കൈപിടിച്ച് എഴുതിച്ച് ആദ്യാക്ഷരം പകർന്നു നൽകി. തലശ്ശേരി ഡസ്റ്റിനേഷൻ മാനേജ്മെൻ്റ് കൗൺസിലിൻ്റെ ആഭിമുഖ്യത്തിൽ ഇല്ലിക്കുന്നിലെ ഗുണ്ടര്‍ട്ട് സ്‌റ്റോറി ടെല്ലിംഗ് മ്യൂസിയത്തിലായിരുന്നു എഴുത്തിനിരുത്ത് നടന്നത്.

തലശ്ശേരിസബ് കലക്ടർ കാർത്തിക്ക് പാണിഗ്രഹി , മാധ്യമ പ്രവർത്തകൻ എം വി നികേഷ്കുമാർ എന്നിവരും കുട്ടികൾക്ക് ആദ്യാക്ഷരം പകർന്നു നൽകി. ഡി.ടി. പി സി സെക്രട്ടറി ജെ.കെ. ജിജേഷ് കുമാർ അധ്യക്ഷത വഹിച്ചു. തലശ്ശേരി ഡസ്റ്റിനേഷൻ മാനേജ്മെൻ്റ് കൗൺസിൽ മാനേജർ ജിഷ്ണു ഹരിദാസ് സ്വാഗതം പറഞ്ഞു.

Also read: അഴിമതിക്കാരായ ഉദ്യോഗസ്ഥരോട് വിട്ടുവീഴ്ചയില്ലാത്ത സമീപനം സ്വീകരിക്കുമെന്ന് മുഖ്യമന്ത്രി പിണറായി വിജയൻ ; തലശേരി നഗരസഭയുടെ പുതിയ കെട്ടിടം ഉദ്ഘാടനം ചെയ്തു.

പതിനഞ്ചോളം കുരുന്നുകൾ ആദ്യാക്ഷരം നുകർന്നു. അക്ഷര ലോകത്തേക്ക് എത്തിയ കുരുന്നുകൾക്ക് സ്പീക്കർ ആശംസകൾ നേർന്നു. കുട്ടികൾക്ക് മധുരവും സമ്മാനവും നൽകി. മാതൃഭൂമി ദിനപത്രവുമായി സഹകരിച്ചാണ് 'അ' അക്ഷരങ്ങളുടെ ഉൽസവം നടത്തിയത്.

``Harishree Ganapathaye Namah''; Speaker Adv.AN Shamseer showered initial letter sweetness to the children in Thalassery.