എമര്‍ജന്‍സി മെഡിക്കല്‍ ടെക്‌നീഷ്യന്മാരുടെ കരുതലില്‍ ബിഹാര്‍ സ്വദേശിനിക്ക് സര്‍ക്കാര്‍ ആംബുലന്‍സില്‍ ആദ്യത്തെ കണ്‍മണി പിറന്നു

By | Monday December 23rd, 2019

SHARE NEWS

തലശ്ശേരി : സര്‍ക്കാര്‍ ആംബുലന്‍സില്‍ ആദ്യത്തെ കണ്‍മണി പിറന്നു. ആംബുലന്‍സിലെ എമര്‍ജന്‍സി മെഡിക്കല്‍ ടെക്നീഷ്യനായ കെ.ജെ.സന്തോഷിന്റെയും ഡ്രൈവര്‍ ജിതിന്റെയും കരുതലില്‍ ബിഹാര്‍ സ്വദേശി പുഷ്പ(32)യും പെണ്‍കുഞ്ഞും സുരക്ഷിതര്‍. പയ്യന്നൂരിനും പരിയാരത്തിനുമിടയില്‍ ഉച്ചയ്ക്ക് 1.15-നും 1.20-നും ഇടയിലാണ് പ്രസവം. അമ്മയെയും കുഞ്ഞിനെയും പിന്നീട് കണ്ണൂര്‍ ഗവ. മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചു.

സമഗ്ര ട്രോമ കെയര്‍ പദ്ധതിയുടെ കനിവ്-108 ആംബുലന്‍സിലാണ് പ്രസവം നടന്നത്. അടിയന്തരമായി കണ്ണൂര്‍ ഗവ. മെഡിക്കല്‍ കോളേജ് ആസ്പത്രിയിലേക്ക് ഗര്‍ഭിണിയെ എത്തിക്കാന്‍ പയ്യന്നൂര്‍ ഗവ.താലൂക്ക് ആസ്പത്രിയില്‍നിന്നാണ് സന്തോഷിനും ജിതിനും നിര്‍ദേശംവന്നത്. പിലാത്തറയ്ക്കടുത്തെത്തിയപ്പോള്‍ പ്രസവം നടന്നു. ആംബുലന്‍സില്‍ പ്രീത എന്ന സ്ത്രീയും ഉണ്ടായിരുന്നത് തുണയായെന്ന് സന്തോഷും ജിതിനും പറഞ്ഞു.

10 വര്‍ഷം ആസ്പത്രിനഴ്സിങ്ങില്‍ പരിചയമുള്ള സന്തോഷ് പെരുമ്പടവ് സ്വദേശിയാണ്. ആലക്കോട് സ്വദേശിയാണ് ഡ്രൈവര്‍ ജിതിന്‍. ആംബുലന്‍സ് നടത്തിപ്പ് ചുമതലയുള്ള ഹൈദരാബാദിലെ ജി.വി.കെ. എമര്‍ജന്‍സി മാനേജ്മെന്റ് ആന്‍ഡ് റിസര്‍ച്ച് ഇന്‍സ്റ്റിറ്റ്യൂട്ടിന്റെ ജീവനക്കാരാണ് ഇരുവരും. ഏഴിമല നാവിക അക്കാദമിയിലെ ഒരു ഓഫീസറുടെ വീട്ടില്‍ ജോലിക്കാരിയാണ് പുഷ്പ.

Tags:
English summary
Loading...
ചുവടെ കൊടുക്കുന്ന അഭിപ്രായങ്ങള്‍ തലശ്ശേരി ന്യൂസിന്റേതല്ല. സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Your email address will not be published. Required fields are marked *

*

*

Also Read